بٷگٸن وبلىس ەكٸمٸ نۇرلىبەك نەلٸباەۆ قىزىلوردادا جاڭادان سالىناتىن نىسانداردىڭ قۇرىلىس الاڭىنا باردى.
ايماقتا مەملەكەت باسشىسى قاسىم-جومارت كەمەلۇلىنىڭ تاپسىرماسىمەن دەنساۋلىق ساقتاۋ سالاسىن دامىتۋعا باعىتتالعان كەشەندٸ شارالار نەتيجەلٸ جٷزەگە اسۋدا. بۇل شارالاردىڭ باستى ماقساتى – حالىقتىڭ مەديتسينالىق قىزمەتتەرگە قولجەتٸمدٸلٸگٸن ارتتىرۋ.
وبلىس ورتالىعىندا, ناقتىراق ايتقاندا پرەزيدەنت پاركٸ اۋماعىندا 48,5 ملرد تەڭگەگە 200 ورىندىق پەريناتالدىق ورتالىق پەن سول جاعالاۋدا 14,78 ملرد تەڭگەگە 500 ورىندىق ەمحانانىڭ قۇرىلىسى باستالادى. بولاشاق پەريناتالدىق ورتالىق انا مەن بالاعا مامانداندىرىلعان زاماناۋي مەديتسينالىق كٶمەك كٶرسەتەدٸ. ورتالىقتا قابىلداۋ-قاراۋ, ستاتسيونارلىق, دياگنوستيكالىق, وپەراتسييالىق, رەانيماتسييالىق جەنە ەكٸمشٸلٸك بٶلٸمدەر بولادى. سونداي-اق, جەراستى ٶتكەلٸ ارقىلى بايلانىسقان جەكە زەرتحانا عيماراتى مەن اس بلوگى قاراستىرىلعان.
مەديتسينالىق مەكەمە جٷكتٸ ەيەلدەرگە, بوسانۋشىلارعا جەنە جاڭا تۋعان نەرەستەلەرگە ارنالعان ستاتسيونارلىق بٶلٸمدەر, وپەراتسييالىق بلوك, رەانيماتسييا, زەرتحانالار جەنە ينجەنەرلٸك-قىزمەتتٸك ينفراقۇرىلىممەن تولىق قامتاماسىز ەتٸلەدٸ. جوبالىق شەشٸمدەر سانيتارلىق-ەپيدەميولوگييالىق تالاپتار مەن زاماناۋي مەديتسينالىق ستاندارتتارعا سەيكەس جٷزەگە اسىرىلادى.
ال 500 ورىندىق ەمحانا – تۇرعىندارعا امبۋلاتورييالىق-ەمحانالىق, دياگنوستيكالىق جەنە كٷندٸزگٸ ستاتسيونارلىق مەديتسينالىق كٶمەك كٶرسەتەتٸن كٶپسالالى مەكەمە. نىسان سول جاعالاۋ اۋماعىندا بوي كٶتەرەدٸ. مۇندا جالپى جەنە اكۋشەرلٸك-گينەكولوگييالىق تٸركەۋ, پەدياترييا, مامانداندىرىلعان جەنە شۇعىل مەديتسينالىق كٶمەك, پروفيلاكتيكا جەنە مەكتەپ مەديتسيناسى بٶلٸمدەرٸ قاراستىرىلعان. سونداي-اق 50 تٶسەكتٸك كٷندٸزگٸ ستاتسيونار, دەرٸلٸك قامتاماسىز ەتۋ, ورتالىق ستەريليزاتسييا, كٸر جۋۋ ورنى, مەديتسينالىق قالدىقتاردى ساقتاۋ, وقۋ كابينەتتەرٸ, 50 ورىندىق اۋديتورييا, 200 ورىندىق كونفەرەنتس-زال جەنە ينجەنەرلٸك-تەحنيكالىق ينفراقۇرىلىم بار.
بۇدان بٶلەك, قىزىلوردا قالاسىنداعى تيتوۆ مٶلتەك اۋدانىندا 10 ملرد تەڭگەگە 400 ورىندىق ەمحانانىڭ قۇرىلىسى باستالادى. جاڭا عيماراتتا بالالار مەن ەرەسەكتەرگە ارنالعان ەمدەۋ-پروفيلاكتيكالىق بٶلٸمشەلەر, كٷندٸزگٸ ستاتسيونار, فۋنكتسيونالدىق دياگنوستيكا, ستوماتولوگييا, ەيەلدەر كونسۋلتاتسيياسى, بەيٸندٸ ماماندار كابينەتتەرٸ, ەكٸمشٸلٸك جەنە كلينيكالىق-دياگنوستيكالىق زەرتحانا ورنالاسادى.
