قىزىلوردا وبلىسىندا ەسٸرتكٸ ٶسٸرۋمەن اينالىسقان 3 فيتوزەرتحانا جويىلدى, - دەپ حابارلايدى Dalanews.kz.
قازاقستان رەسپۋبليكاسى باس پروكۋرورىنىڭ تاپسىرماسىنا سەيكەس ەلٸمٸزدٸڭ بارلىق ٶڭٸرلەرٸندە«ناشاقورلىققا جول جوق» اتتى جوبا جٷزەگە اسىرىلۋدا.
جوبا اياسىندا ەسٸرتكٸ زاتتارىنىڭ زاڭسىز اينالىمىنا قاتىستى 287 قىلمىستىق ٸس تٸركەلٸپ, 174 سوتقا جولدانعان.
ناشاقورلىققا قارسى كٷرەستٸ ٷيلەستٸرۋ نەتيجەسٸندە ايماقتا ەسٸرتكٸنٸ ٶسٸرۋمەن اينالىسقان 3 فيتوزەرتحانا انىقتالىپ, ولاردىڭ قىزمەتٸ تولىعىمەن جويىلىپ, كٸنەلٸلەر قىلمىستىق جاۋاپكەرشٸلٸككە تارتىلدى.
سونىمەن قاتار ەسٸرتكٸ زاتتارىن ناسيحاتتايتىن 18 جارنامالىق سايتتار بۇعاتتالىپ, ەسٸرتكٸنٸ جارنامالايتىن جازبالارى مەن گراففيتيلەردٸ جويۋ شارالارى جٷرگٸزٸلدٸ.
ەسٸرتكٸنٸ جارنامالاۋ دەرەگٸ بويىنشا قازاقستان رەسپۋبليكاسى قىلمىستىق كودەكسٸنٸڭ 299-1-بابىمەن (ەسٸرتكٸ, پسيحوتروپتىق زاتتاردى نەمەسە سول تەكتەستەردٸ, پرەكۋرسورلاردى ناسيحاتتاۋ نەمەسە زاڭسىز جارنامالاۋ) 18 قىلمىستىق ٸس قوزعالعان.
جوبا تٶڭٸرەگٸندە حالىققا تانىمال وقىرماندارى اۋقىمدى بلوگەرلەر ارقىلى ەلەۋمەتتٸك جەلٸلەر مەن پابليكتەردە ەسٸرتكٸگە قارسى ٷندەۋلەر تۋرالى اقپاراتتىق تٷسٸندٸرۋ جۇمىستارى جٷرگٸزٸلٸپ, 34 بيلبورد, 835 بروشيۋرا پاراقشالارى تاراتىلدى.
