Qyzylorda oblysynda esirtki ósirýmen aınalysqan 3 fıtozerthana joıyldy, - dep habarlaıdy Dalanews.kz.

Qazaqstan Respýblıkasy Bas Prokýrorynyń tapsyrmasyna sáıkes elimizdiń barlyq óńirlerinde«Nashaqorlyqqa jol joq» atty joba júzege asyrylýda.
 
Joba aıasynda esirtki zattarynyń zańsyz aınalymyna qatysty 287 qylmystyq is tirkelip, 174 sotqa joldanǵan.
 
Nashaqorlyqqa qarsy kúresti úılestirý nátıjesinde aımaqta esirtkini ósirýmen aınalysqan 3 fıtozerthana anyqtalyp, olardyń qyzmeti tolyǵymen joıylyp, kináliler qylmystyq jaýapkershilikke tartyldy.
 
Sonymen qatar esirtki zattaryn nasıhattaıtyn 18  jarnamalyq saıttar buǵattalyp, esirtkini jarnamalaıtyn jazbalary men graffıtılerdi joıý sharalary júrgizildi.
 

Esirtkini jarnamalaý deregi boıynsha Qazaqstan Respýblıkasy Qylmystyq kodeksiniń 299-1-babymen (esirtki, psıhotroptyq zattardy nemese sol tektesterdi, prekýrsorlardy nasıhattaý nemese zańsyz jarnamalaý) 18 qylmystyq  is qozǵalǵan.

Joba tóńireginde halyqqa tanymal oqyrmandary aýqymdy blogerler arqyly áleýmettik jeliler men pablıkterde esirtkige qarsy úndeýler týraly aqparattyq túsindirý jumystary júrgizilip, 34 bılbord, 835 broshúra paraqshalary taratyldy.