قىزىلوردا – اقتٶبە باعىتىنداعى جولدى تٶرت جولاققا كەڭەيتۋ جوباسىنىڭ بٸرٸنشٸ كەزەڭٸ باستالدى, دەپ حابارلايدى Dalanews.kz.
وبلىس ەكٸمٸ نۇرلىبەك نەلٸباەۆ, "قازاۆتوجول" ۇك اق باسقارما تٶراعاسى دارحان يماناشەۆ, وبلىستىق مەسليحات دەپۋتاتتارىنىڭ قاتىسۋىمەن باتىس ەۋروپا – باتىس قىتاي حالىقارالىق اۆتودەلٸزٸنٸڭ قىزىلوردا – اقتٶبە باعىتىن تٶرت جولاقتى ەتٸپ كەڭەيتۋ جوباسىنىڭ بٸرٸنشٸ كەزەڭٸنٸڭ باستالۋ رەسٸمٸ ٶتتٸ.
"ٷكٸمەتتٸڭ ەرەكشە قولداۋىمەن 2022-2025 جىلدارى ايماعىمىزداعى 1 600 شاقىرىم تاسجول مەن كٶشەلەردٸ, 30 كٶپٸر ٶتكەلٸن سالۋعا, كٷردەلٸ جٶندەۋدەن ٶتكٸزۋگە 150 ملرد. تەڭگەگە جۋىق قارجى بٶلٸندٸ. نەتيجەسٸندە جاقسى جاعدايداعى جولداردىڭ ٷلەسٸ 95 پايىزعا جەتتٸ. بيىل دا جول ينفراقۇرىلىمىن دامىتۋعا باعىتتالعان 56 جوباعا بيۋدجەتتەن 37 ملرد. 845 ملن. تەڭگە قارالعان. بۇل قارجىعا 136 شاقىرىم جول مەن كٶپٸر ٶتكەلدەرٸ جٶندەۋدەن ٶتەدٸ", - دەدٸ ٶڭٸر ەكٸمٸ.
مەملەكەت باسشىسى 2023 جىلعى 10 قازاندا سىر ٶڭٸرٸنە جۇمىس ساپارىمەن كەلگەندە قىزىلوردا قالاسىنان اقتٶبەگە دەيٸنگٸ تاسجولدى تٶرت جولاقتىعا اۋىستىرۋدىڭ جوبالاۋ جۇمىستارىن جەدەل باستاۋدى تاپسىرعان بولاتىن. جوبا 2 كەزەڭنەن تۇرادى:
- بٸرٸنشٸ كەزەڭٸ – 26 شاقىرىمدىق قىزىلوردا قالاسىنىڭ اينالما جولىن سالۋ.
- ەكٸنشٸ كەزەڭٸ – قىزىلوردا قالاسىنان باستاپ سىردارييا, جالاعاش, قارماقشى اۋداندارىنىڭ سىرتىمەن اينالىپ ٶتٸپ, باتىس ەۋروپا – باتىس قىتاي حالىقارالىق كٶلٸك دەلٸزٸنە قوسىلاتىن 462 شاقىرىم جول سالۋ.
