قىتايلىق كومپانياعا 1 ميلليارد تەڭگە ايىپپۇل سالىندى، - دەپ حابارلايدى Dalanews.kz.

شقو مامانداندىرىلعان تابيعات قورعاۋ پروكۋراتۋراسىنىڭ تالابى بويىنشا ەكولوگيا دەپارتامەنتى "سينسين قۇرىلىس جانە دامۋ بويىنشا جۇڭگو كومپانياسى" جشس-نە قاتىستى تەكسەرىس جۇرگىزدى.  

تەكسەرىس ناتيجەسىندە ەكولوگيالىق زاڭناما بۇزىلعانى انىقتالدى، ءىى ساناتتاعى نىساندارعا ەكولوگيالىق رۇقساتسىز اسفالتبەتون قوندىرعىسى مەن ۇساقتاۋ كەشەنىن پايدالانۋ دەرەكتەرى تىركەلگەن.

2024 جىلعى 21 قاراشاداعى ينسپەكتوردىڭ قاۋلىسىمەن ج ش س اكىمشىلىكقۇقىق بۇزۋشىلىق تۋرالى كودەكستىڭ 328-بابىنىڭ 1-بولىگى بويىنشا اكىمشىلىك جاۋاپكەرشىلىككە تارتىلعان.  

"الايدا بۇل قاۋلىعا ج ش س وسكەمەن قالاسىنىڭ اكىمشىلىك قۇقىقبۇزۋشىلىقتار جونىندەگى مامانداندىرىلعان سوتىنا شاعىمداندى. سوتتىڭ 2025 جىلعى 4 ناۋرىزداعى قاۋلىسىمەن ءجشس-نىڭ كىناسى انىقتالىپ، 1 ميلليارد تەڭگە كولەمىندە ايىپپۇل سالىندى"، - دەپ جازىلعان حابارلامادا.

كومپانيا اپەللياسيالىق تارتىپپەن جوعارى تۇرعان سوتقا شاعىم تۇسىرگەن، الايدا 2025 جىلعى 10 ساۋىردەگى اپەللياسيالىق ينستانسيانىڭ قاۋلىسىمەن ءبىرىنشى ساتىداعى سوت شەشىمى وزگەرىسسىز قالدى.