Qytailyq kompaniiaǵa 1 milliard teńge aiyppul salyndy, - dep habarlaidy Dalanews.kz.
ShQO mamandandyrylǵan tabiǵat qorǵaý prokýratýrasynyń talaby boiynsha Ekologiia departamenti "SINSIN Qurylys jáne damý boiynsha Qytai kompaniiasy" JShS-ne qatysty tekseris júrgizdi.
Tekseris nátijesinde ekologiialyq zańnama buzylǵany anyqtaldy, II sanattaǵy nysandarǵa ekologiialyq ruqsatsyz asfaltbeton qondyrǵysy men usaqtaý keshenin paidalaný derekteri tirkelgen.
2024 jylǵy 21 qarashadaǵy inspektordyń qaýlysymen JShS Ákimshilikquqyq buzýshylyq týraly kodekstiń 328-babynyń 1-bóligi boiynsha ákimshilik jaýapkershilikke tartylǵan.
"Alaida bul qaýlyǵa JShS Óskemen qalasynyń ákimshilik quqyqbuzýshylyqtar jónindegi mamandandyrylǵan sotyna shaǵymdandy. Sottyń 2025 jylǵy 4 naýryzdaǵy qaýlysymen JShS-niń kinási anyqtalyp, 1 milliard teńge kóleminde aiyppul salyndy", - dep jazylǵan habarlamada.
Kompaniia apelliatsiialyq tártippen joǵary turǵan sotqa shaǵym túsirgen, alaida 2025 jylǵy 10 sáýirdegi apelliatsiialyq instantsiianyń qaýlysymen birinshi satydaǵy sot sheshimi ózgerissiz qaldy.
