سوت وتىرىسىندا كۋەگەر ەدٸلحان مۋسين Biz Birgemiz Qazaqstan 2030 قورى جيناعان قايىرىمدىلىق قارجىسى قالاي قولما-قول اقشاعا اينالدىرىلعانىن ەگجەي-تەگجەيلٸ باياندادى, دەپ حابارلايدى Dalanews.kz.
مۋسيننٸڭ ايتۋىنشا, ول پەريزاتتى 2014 جىلدان بەرٸ ەيەلٸ ارقىلى تانيدى. 2024 جىلدىڭ اقپان-ناۋرىز ايلارىندا ولار قايىرىمدىلىق تۋرالى, سونىڭ ٸشٸندە گازاداعى جاعدايعا كٶمەكتەسۋ جايىن دا تالقىلاعان. الايدا كەيٸن قور قىزمەتٸ قازاقستانداعى تاسقىننان زارداپ شەككەندەرگە باعىتتالعان.
2024 جىلدىڭ كٶكتەمٸندە پەريزات قايرات ودان قىتاي شەكاراسىنان كيٸز ٷي مەن ٶزگە دە تاۋارلاردى ساتىپ الۋ ٷشٸن كٶمەك سۇراعان. ونىڭ ايتۋىنشا, جەتكٸزۋشٸلەر تەك قولما-قول اقشامەن جۇمىس ٸستەۋگە كەلٸسٸم بەرگەن, ەسەپشوت ارقىلى اۋدارىم قابىلداماعان.
مۋسين پەريزاتتى كەسٸپكەرلەرمەن تانىستىرىپ, اقشا ولاردىڭ اتىنداعى جەكە كەسٸپكەرلٸك شوتتارىنا اۋدارىلعان. كەيٸن بۇل قاراجاتتى قولما-قول الىپ, مۋسينگە تاپسىرعان. ول ٶز كەزەگٸندە اقشانى پەريزات قايراتقا جەتكٸزٸپ وتىرعان.
"پەريزاتتىڭ جەتكٸزۋشٸلەرٸ بولدى, ولار ناقتى اقشانى تالاپ ەتتٸ. بٸز سەندٸك. قۇجاتتاردى كەيٸنٸرەك رەسٸمدەدٸك", – دەدٸ كۋەگەر.
ونىڭ ايتۋىنشا, بٸر ترانشتىڭ كٶلەمٸ شامامەن 200 ميلليون تەڭگەنٸ قۇراعان. سىزباعا 12–13 جەكە كەسٸپكەرلٸك قاتىسقان, ەرقايسىسى 70 ميلليون تەڭگە شاماسىندا اقشا العان.
ٸس باستالعان كەزدە Kaspi Bank ەكٸ جەكە كەسٸپكەردٸڭ ەسەپشوتىن بۇعاتتاپ تاستاعاندىقتان, قاراجاتتى شەشۋ مٷمكٸن بولماعان. بٸراق كەيٸن پەريزات قايراتتىڭ ٶزٸ بانكپەن كەلٸسسٶز جٷرگٸزٸپ, شوتتاردى قايتا اشقىزعان.
مۋسين پەريزاتتىڭ قىتايعا بارعانىن ناقتى راستاي الماعانىمەن, ونىڭ ساتىپ الىنعان كيٸز ٷيلەر مەن بيوەجەتحانالارعا قاتىستى سۋرەتتەرٸن كٶرگەن. سونداي-اق قايرات كەدەندە ەش قيىندىق بولمايتىنىنا سەندٸرگەن.
مۋسين مەمٸلەلەر زاڭ اياسىندا جٷرۋٸ كەرەك بولعانىن, الايدا ۋاقىت تىعىز بولعاندىقتان فورمالدىقتارعا مەن بەرٸلمەگەنٸن العا تارتتى.
ايتا كەتەيٸك, استانادا پەريزات قايرات پەن ونىڭ اناسى عايني الاشباەۆاعا قاتىستى سوت پروتسەسٸ جالعاسىپ جاتىر. قازٸر سۋديالار سۋ تاسقىنى كەزٸندە جينالعان قاراجاتقا قاتىستى ەپيزودتى قاراۋدا.
بۇعان دەيٸن سوت وتىرىسىندا قايراتقا 200 ملن تەڭگە اۋدارعان كومپانييانىڭ ٶكٸلٸ گاليا يساەۆا سٶز سٶيلەگەن ەدٸ. ونىڭ ايتۋىنشا, سول كەزەڭدە كومپانييانى پەريزات قايراتتىڭ ەلەۋمەتتٸك جەلٸدەگٸ بەلسەندٸ جارناماسى سەندٸرگەن.
"پرەزيدەنتتٸڭ سۋ تاسقىنى كەزٸندە جاساعان ٷندەۋٸنەن كەيٸن باسشىلىق زارداپ شەككەندەرگە كٶمەك كٶرسەتۋ تۋرالى شەشٸم قابىلدادى. بٸزگە Biz Birgemiz قورى سەنٸمدٸ ۇيىم بولىپ كٶرٸندٸ. 10 مامىر كٷنٸ اكتسيونەرلٸك قوعامنىڭ شوتىنان قورعا 200 ملن تەڭگە اۋداردىق. پەريزات قايراتتىڭ اتىنان جارييالانعان جارنامادا نەسيە تٶلەمدەرٸن توقتاتۋ تۋرالى ٷندەۋ دە بولدى. بۇل دا ەسەر ەتتٸ – شىن مەنٸندە, حالىققا جانى اشيتىن ادام سيياقتى كٶرٸندٸ", – دەدٸ يساەۆا.
سونىمەن قاتار Jusan Bank پەريزات قايراتتىڭ قورىن تەكسەرمەستەن 300 ملن تەڭگە اۋدارعانى تۋرالى مەلٸمدەگەن ەدٸ.
پەريزات قايراتقا قاتىستى ٷش ەپيزودتىڭ بٸرٸندە ول سۋ تاسقىنىنان زارداپ شەككەندەرگە كٶمەك كٶرسەتۋ ٷشٸن شامامەن 2,9 ملرد تەڭگە جيناپ, ونىڭ تەك 920 ملن تەڭگەسٸن عانا ماقساتتى تٷردە جۇمسادى دەپ ايىپ تاعىلدى.
وسى ناۋقان اياسىندا First Heartland Jusan Bank (قازٸرگٸ اتاۋى Alatau City Bank) 300 ملن تەڭگە كٶلەمٸندە قايىرىمدىلىق كٶمەك كٶرسەتكەن. بانكتٸڭ ٶكٸلٸ بەيبٸت جوراباەۆتىڭ ايتۋىنشا, ولارعا BizBirgemiz Qazaqstan 2030 قورىنان پەريزات قايراتتىڭ قولى قويىلعان حات كەلگەن. وندا قايىرىمدىلىق كٶمەك سۇرالعان. بۇل مەسەلە بانكتٸڭ باسقارما وتىرىسىندا قارالىپ, قاراجات قايىرىمدىلىق رەتٸندە اۋدارىلعان.
الايدا پەريزات قايرات بۇل باستامانىڭ بانكتٸڭ ٶزٸنەن شىققانىن ايتادى. وسىعان بايلانىستى ول سوتتان PR قىزمەتٸنٸڭ ٶكٸلٸ ميحايل ەگورمەن بەتتەسۋگە مٷمكٸندٸك بەرۋدٸ سۇرادى. ايتۋىنشا, دەل سول اداممەن كەلٸسسٶز جٷرگٸزگەن.
بانك بۇل ٸسكە جەبٸرلەنۋشٸ تاراپ رەتٸندە تانىلعان. ونىڭ اتىنان سوتتا جوراباەۆ كۋەلٸك بەردٸ.
قورعاۋشى اسلانبەك داۆلەتياروۆ سوت وتىرىسىندا بانكتەن: نەلٸكتەن دەل سول 300 ملن تەڭگە ۇرلاندى دەپ سەنٸمدٸ ايتاسىزدار, بەلكٸم ول قاراجات شىن مەنٸندە زارداپ شەككەندەرگە جۇمسالعان شىعار? – دەپ سۇرادى. ونىڭ سٶزٸنشە, قايرات 2024 جىلدىڭ 2 سەۋٸرٸ مەن 18 شٸلدەسٸ ارالىعىندا 1 ملرد تەڭگەدەن استام قارجىنى موتورلى جەنە ٷرمەلٸ قايىقتارعا, گەنەراتورلارعا, كيٸز ٷيلەرگە, ازىق-تٷلٸك پەن تەحنيكالارعا جۇمساعان.
"بٸز تەرگەۋ ماتەريالدارىمەن تانىستىق, تەرگەۋ زاڭ اياسىندا جٷرگٸزٸلگەنٸنە كٶز جەتكٸزدٸك. تەرگەۋشٸ ۇسىنعان بارلىق قۇجاتتاردى وقىدىق. بٸراق ناقتى بٸزدٸڭ قاراجات قايدا جۇمسالعانىن زەرتتەگەن جوقپىن, سوندىقتان بۇل سۇراققا ناقتى جاۋاپ بەرە المايمىن", – دەدٸ جوراباەۆ.
