قىتاي فيزيكتەرٸ Experimental Advanced Superconducting Tokamak (EAST) تەرمويادرلىق رەاكتورsنىڭ كٶمەگٸمەن رەككوردتىق جوعارى پلازمالىق تەمپەراتۋراعا قول جەتكٸزگەندەرٸن مەلٸمدەدٸ.
ولار ارنايى قۇرىلعىلاردىڭ كٶمەگٸمەن قول جەتكٸزگەن جوعارى تەمپەراتۋرا كٷن يادروسىنداعى ىستىق تەمپەراتۋرادان 3 ەسەگە ارتىق بولعان. كٷننٸڭ دەل ورتاسىنداعى تەمپەراتۋرا 15 ملن. تسەلسيي گاردۋسقا تەڭ بولسا, قىتاي عالىمدارى تەرمويادرلىق رەاكتوردىڭ كٶمەگٸمەن 49,99 ملن. تسەلسيي گاردۋسىنا جەتەتٸن جوعارى پلازمالىق تەمپەراتۋراعا قول جەتكٸزدٸ. وسىلايشا رەككوردتى جاڭارتىپ وتىر. ايتا كەتۋٸمٸز كەرەك, ولار جوعارى تەمپەراتۋرانى 102 سەكۋند بويى ۇستاپ تۇرعان. سوندىقتان بۇل – ايتۋلى عىلىمي جاڭالىق بولىپ تۇر.
ماماندار دەل وسىنداي جوعارى تەمپاراتۋراعا ەۋروپا مەن جاپونييا عالىمدارى تٸزە قوسىپ, قول جەتكٸزگەنٸن تٸلگە تيەك ەتتٸ. بٸراق ولار عالامات تەمپەراتۋرانى بٸر مينۋتتان سەل عانا اساتىن ۋاقىت ارالىعىندا ۇستاپ تۇرعان. ال قىتاي عالىمدارى جوعارى تەمپەراتۋرانى ەكٸ مينۋتقا تاياۋ ۋاقىت بويى ۇستاپ تۇرعان.
"قمد" اقپارات
