«اۋدارما ءىسى» جانە «ايماقتانۋ» ماماندىقتارىنىڭ 1 كۋرس ماگيسترانتتارى كامالبەك اينا، مۇقاتاي كلارا، قانات گۇلنار، ءماجيت مەرەي جۇڭگو تاعامدارىنىڭ تاريحى مەن دايىندالۋ ادىستەرىمەن تانىستىرىپ ءوتىپ، سول تاعامداردىڭ شىعۋ تاريحىنا بايلانىستى قىزىقتى وقيعالار تۋرالى شاعىن قويىلىمدار كورسەتتى. ال «شىعىستانۋ»، «شەتەل فيلولوگي» ساعىنبەك مارجان، جەڭىسبايەۆا مەرۋەرت 1 ماگيسترانتتارى ءشاي سالتاناتىنا بايلانىستى تىڭ اقپارتتارىمەن جيىلعان قاۋىمنىڭ نازارىن باۋراپ الدى.
ءبىزدىڭ كوڭىلگە قۋانىش ۇيالاتقان باستى نارسە – سايىس بارىسىندا ماگيسترانتتار وزدەرى وقىپ وتىرعان جۇڭگو ءتىلىن عانا ەمەس، قىتايدىڭ سان-سالالى مادەنيەتى مەن تاريحىن، ادەت-عۇرىپتارى مەن داستۇرلەرىن دە تەرەڭ مەڭگەرگەنى ەدى. اسىرەسە «اۋدارما ءىسى» ماماندىعىنىڭ 1 كۋرس ماگيسترانتى مۇقاتاي كلارا، قانات گۇلنار جانە «ايماقتانۋ» ماماندىعىنىڭ 1 كۋرس ماگيسترانتى كامالبەك اينا شەبەرلىك-سىنپ بارىسىندا ءوز قولدارىمەن جاساپ كورسەتكەن - «گۋڭباو سيسزين» جانە «جۇڭگو تۇشپاراسى» «داپانسزي» اتتى جۇڭگو تاعامدارى وزەشەلىگىمەن، شىنايىلىعىمەن قوناقتاردى ءتانتى ەتتى كوپشىلىكتى ءتانتى ەتتى. ماگيسترانتتار سونىمەن بىرگە قىتايدىڭ ءار بولىگىنىڭ وزىنە ءتان سالت-داستۇرلەرى، ادەت-عۇرىپتارى، جۇڭگو ۇلتىنىڭ تاماق ازىرلەۋ جاعىنان دا وزىندىك ايىرماشىلىقتارى تۋراسىندا قىزىقتى اقپاراتتارمەن قالىڭ جۇرتشىلىقتى تانىستىرىپ وتىردى. قىتايدىڭ وڭتۇستىك جانە سولتۇستىك اسحانالارىنىڭ وزىندىك ايشىقتارى، ولاردىڭ ىشىندە دە جيىرما شاقتى سالاعا جىكتەلەتىنى تۋراسىندا تىڭ ماعلۇماتتار بەرىپ وتىردى. جۇڭگو اسپازشىلارىنا ورتاق ەرەجەلەر تۋرالى جانە ءار اسحانانىڭ دايىنداۋ ادىستەرىندەگى ءتۇرلى تاريحي وقيعالار تۋرالى دا بايانداپ ءوتتى. قىتايلاردىڭ استىڭ تەك ءدامدى ءارى كورەمدىلىگىمەن عانا شەكتەلمەي، مىندەتتى تۇردە دەنساۋلىققا پايداسى، ەمدىك قاسيەتتەرىنە دە ەرەكشە كوڭىل بولەتىنىن اتاپ ءوتتى. ءىس-شارا بارىسىندا «اسپان استىنىڭ حوش ءيىستى تاعامدارى» اتتى دەرەكتى فيلم كورسەتىلدى جانە جۇڭگو ۇلتىنىڭ اندەرى مەن بيلەرى ورىندالعان شاعىن كونسەرت قويىلدى. ءىس-شاراعا كەلگەن قوناقتار ەجەلگi قىتايدىڭ مادەنيەتiن، دانالىعىن، ءپالساپاسى مەن رۋحىن بەينەلەيتiن تاعامدارىنىڭ دايىندالۋ ادىستەرى تۋرالى قۇندى ماعلۇماتتار الدى. ءىس-شاراعا كەلگەن قوناقتار اراسىندا تۇشرارا ءتۇيۋ سايىسى وتكىزىلىپ جيىلعان جۇرتشىلىق ءبىر سەرپىلىپ قالدى. اباي اتىنداعى الماتى مەملەكەتتىك ۋنيۆەرسيتەتىنىڭ جۇڭگو ءتىلى ورتالىعىنىڭ دوسەنتى فاريدا ورازاقىن جانە ت.رىسقۇلوۆ اتىنداعى حالىق شارۋاشىلىعى ۋنيۆەرسيتەتى لينگۆيستيكالىق ورتالىعىنىڭ جۇڭگو ءتىلى وقىتۋشىسى ر.تلەشبايەۆا، ونەر اكادەمياسىنىڭ ونەرتانۋ كافەدراسىنىڭ وقىتۋشىسى گ.قوسانوۆا وسى ءىس–شارانى بولاشاقتا ۋنيۆەرسيتەتتەر اراسىنداعى بايلانىستى نىعايتا تۇسەتىن باسپالداق دەپ اتاپ ءوتتى. ءىس-شاراعا كەلگەن قوناقتار ماگيسترانتتاردىڭ وزدەرى دايىنداعان تاعامداردان اۋىز ءتيدى. شەبەرلىك-سىنىپ سوڭىندا شىعىستانۋ فاكۋلتەتى قىتايتانۋ كافەدراسىنىڭ مەڭگەرۋشىسى ن.مۇقامەتحان ۇلى مۇنداي شەبەرلىك-سىنىپتار كافەدرامىزدا ۇدايى ءوتىپ تۇراتىن داستۇرگە اينالعاندىعى تۋرالى ماقتانىشپەن اتاپ ءوتتى.
ونەرى مەن ءبىلىم دەڭگەيمەن الىس جاقىن شەتەلدەن كەلگەن قوناقتاردى تاڭ قالدىرعان شاكىرتتەرمىز ءۇشىن ۇلكەن ماقتانىش سەزىمگە يە بولعان ۇستازدار قاۋىمى ءوز قۋانىشتارىن جاسىرا المادى. الەمدەگى ەڭ قيىن تىلدەردىڭ ءبىرى بوپ سانالاتىن – قىسقا مەرزىم ىشىندە تەرەڭ مەڭگەرگەن ستۋدەنتتەرىمىزدىڭ باعىندىرار بيىگى ءالى الدا دەپ سەنەمىز.
ءال-فارابي اتىنداعى قازاق ۇلتتىق ۋنيۆەرسيتەتi شىعىستان فاكۋلتەتى قىتايتانۋ كافەدراسىنىڭ وقىتۋشىلارى ا.كەنجەبايەۆا، ا. نۋرجايەۆا
