"2020 جىلدىڭ 19 قازانىندا باس پروكۋراتۋراعا سوتتى بولعان اقجارقىن تۇرلىبايدىڭ ٶزٸن قازاقستانعا اۋىستىرۋ تۋرالى جازباشا ٶتٸنٸمٸ تٷسكەن بولاتىن. سول كٷنٸ-اق قىتاي تارابىنا تيٸستٸ ساۋال جولداندى. قحر ەدٸلەت مينيسترلٸگٸنٸڭ 2021 جىلعى 3 ناۋرىزداعى جاۋابىنا سەيكەس, اقجارقىن تۇرلىبايدى قازاقستانعا اۋىستىرۋدان باس تارتىلعان.
ونىڭ شارتتى تٷردە مەرزٸمٸنەن بۇرىن بوساتۋ قۇقىعىنسىز ٶمٸر بويىنا باس بوستاندىعىنان ايىرۋ جازاسىنا كەسٸلگەنٸن ەسكەرٸپ, وسىندا شەشٸم قابىلدانعانى ايتىلعان", - دەپ جازىلعان باس پروكۋراتۋرانىڭ مەلٸمەتٸندە.
بۇنىمەن قوسا پروكۋرور قازاقستاندىق تاراپ تۇرلىبايدى قازاقستانعا اۋىستىرۋعا ٷمٸتٸن ٷزبەيتٸنٸن, ەگەر قىتاي سوتى سوتتالۋشىنىڭ جازاسىن قىسقارتىپ, جازانى ٶتەۋدٸڭ ناقتى ۋاقىتىن تاعايىنداسا, بەرٸ مٷمكٸن ەكەنٸن ايتتى.
"قحر-داعى قر ەلشٸلٸگٸ قولدانىستاعى زاڭعا سەيكەس اقجارقىن تۇرلىبايدىڭ جازا مەرزٸمٸن قىسقارتۋ ٷكٸم زاڭدى كٷشٸنە ەنگەن سەتتەن 2-3 جىل ٶتكەننەن كەيٸن مٷمكٸن بولاتىنىن ايتتى. بۇل مەسەلە تۇراقتى باقىلاۋدا, ا.تۇرلىبايعا قاتىستى جازا جەڭٸلدەسە نە جازانىڭ ناقتى مەرزٸمٸ ايتىلسا باس پروكۋراتۋرا ونى قازاقستانعا اۋىستىرۋ تۋرالى قايتادان سۇراۋ سالۋعا باستاماشىلىق جاسايدى", - دەدٸ قويگەلديەۆ.
باس پروكۋراتۋرادا قازاقستان رەسپۋبليكاسىنىڭ سوتتالعان ازاماتتارىن ەلگە قايتارۋ سونداي-اق ودان باس تارتۋ شارتتارى 22.02 2011 جىلعى قازاقستان رەسپۋبليكاسى مەن قىتاي حالىق رەسپۋبليكاسى اراسىنداعى سوتتالعان ادامداردى بەرۋ تۋرالى شارتتا كٶزدەلگەنٸن اتاپ ٶتتٸ (20.11.2013 جىلعى قر زاڭىمەن راتيفيكاتسييالانعان, 30.09.2015 جىلى زاڭدى كٷشٸنە ەنگەن).
قازاقستاندىق ستۋدەنت اقجارقىن تۇرلىباي قىتايدىڭ گۋانچجوۋ قالاسىنىڭ ەۋەجايىندا 2014 جىلدىڭ ناۋرىز ايىندا ۇستالدى.
ول تانىستارىنىڭ ايتۋى بويىنشا, الماتىدان قىتايعا اتتانعان. ولار قىزعا گۋانچجوۋدان مالايزيياعا برەند كيٸمدەرٸن تاسىمالداۋىن ٶتٸنٸپ, سول ٷشٸن قوماقتى قاراجات تٶلەيمٸز دەپ ۋەدە ەتكەن.
بويجەتكەن گۋانچجوۋ ەۋەجايىنان ۇشىپ بارا جاتقاندا ۇستالدى. ونىڭ سٶمكەسٸندە ەسٸرتكٸ تابىلدى. اقجارقىن ەسٸرتكٸ تۋرالى مٷلدە بٸلمەيتٸنٸن مەلٸمدەدٸ. ول ٶز كٸنەسٸن مويىندامادى. نيگەرييالىق ەسٸرتكٸ ترافيگٸن ۇيىمداستىرۋشىلار ەلٸ ۇستالعان جوق.
2015 جىلدىڭ ماۋسىمىندا گۋاندۋن سوتى قازاقستان ازاماتشاسىن ٶمٸر بويىنا باس بوستاندىعىنان ايىردى. 2018 جىلى سوت ٸستٸ قايتا قاراۋعا جٸبەردٸ. الايدا كەيٸنٸرەك ونى ٶمٸر بويىنا باس بوستاندىعىنان ايىرۋ جازاسى تۋرالى سوت ٷكٸمٸ ٶزگەرٸسسٸز قالدى. اپپەلياتسييالىق ينستانتسييا 2020 جىلدىڭ تامىز ايىندا اقجارقىن تۇرلىبايدىڭ ٷكٸمٸن تاعى دا ٶزگەرٸسسٸز قالدىردى.
