قىرعىزستاننىڭ ەكس-پرەزيدەنتى المازبەك اتامبايەۆ پەن ونىڭ ۇلى قادىر يسپانيادا جۇرگەن كەزىندە كوزگە تۇسكەن، - دەپ حابارلايدى Dalanews.kz Kaktus.media سايتىنا سىلتەپ.
ەكس-پرەزيدەنت پەن ۇلىنىڭ ۆيدەوسى قىرعىزستاندىق الەۋمەتتىك جەلىلەردە پايدا بولدى. بولجام بويىنشا، ول وسى جازدا قادىر اتامبايەۆ بارسەلوناعا اكەسىنە قوناققا بارعان كەزدە تۇسىرىلگەن. ءقازىر اتامبايەۆتىڭ ۇلى بىشكەكتە.
باسىلىمنىڭ مالىمەتىنشە، قىرعىزستاننىڭ ەكس-پرەزيدەنتىنىڭ يسپانيادا جۇرگەنىنە ەكى جىل بولدى. ونىڭ تۋىستارىنىڭ ايتۋىنشا، ول ەۋروپا ەلدەرىندە ەمدەلىپ جاتىر. اتامبايەۆتىڭ ۇلىنىڭ ايتۋىنشا، دارىگەرلەر اكەسىنە ءجيى جۇرۋگە كەڭەس بەرگەن.
