بىشكەكتە «حالىقتىق پارلامەنت» قوعامدىق بىرلەستىگىنىڭ ءۇش مۇشەسى ۇستالدى.
قىرعىزستاننىڭ مۇقك باسپا ءسوز قىزمەتى ۇيىم جەتەكشىلەرى مەن وزگە مۇشەلەرىنىڭ ۇستىنەن «بيلىكتى كۇشپەن باسىپ الۋعا دايىندالۋ» جانە «بيلىك وكىلىنە قارسى كۇش قولدانۋعا دايىندالۋ» باپتارى بويىنشا قىلمىستىق ءىس قوزعالعانىن حابارلادى.
تەرگەۋ الدى تەكسەرۋ ماتەريالدارىنا سايكەس، بىرلەستىك مۇشەلەرى ەلدەگى قوعامدىق-ساياسي جاعدايدى تۇراقسىزداندىرۋعا باعىتتالعان شارالار ۇيىمداستىرۋدى جانە بيلىكتى زاڭسىز جولمەن كۇشپەن باسىپ الۋدى جوسپارلاعان.
بۇدان بولەك، قۇزىرلى ورگان كۇدىكتىلەردىڭ مەملەكەتتىك لاۋازىم يەلەرىنە قارسى قارۋ قولدانۋدى ويلاستىرعانىن مالىمدەدى.
بۇعان دەيىن «حالىقتىق پارلامەنتتى» قۇرۋشىلار «الا-توو» ورتالىق الاڭىندا 20 مىڭ ادامنىڭ قاتىسۋىمەن ميتينگ وتكىزۋدى جوسپارلاپ وتىرعاندارىن حابارلاعان ەدى. 26 كوكەككە بەلگىلەنگەن ميتينگ 12 مامىرعا، كەيىن 17 مامىرعا قالدىرىلعان بولاتىن.
