Bishkekte «Halyqtyq parlament» qoǵamdyq birlestiginiń úsh múshesi ustaldy.
Qyrǵyzstannyń MUQK baspasóz qyzmeti uiym jetekshileri men ózge músheleriniń ústinen «Bilikti kúshpen basyp alýǵa daiyndalý» jáne «Bilik ókiline qarsy kúsh qoldanýǵa daiyndalý» baptary boiynsha qylmystyq is qozǵalǵanyn habarlady.
Tergeý aldy tekserý materialdaryna sáikes, birlestik músheleri eldegi qoǵamdyq-saiasi jaǵdaidy turaqsyzdandyrýǵa baǵyttalǵan sharalar uiymdastyrýdy jáne bilikti zańsyz jolmen kúshpen basyp alýdy josparlaǵan.
Budan bólek, quzyrly organ kúdiktilerdiń memlekettik laýazym ielerine qarsy qarý qoldanýdy oilastyrǵanyn málimdedi.
Buǵan deiin «Halyqtyq parlamentti» qurýshylar «Ala-Too» ortalyq alańynda 20 myń adamnyń qatysýymen miting ótkizýdi josparlap otyrǵandaryn habarlaǵan edi. 26 kókekke belgilengen miting 12 mamyrǵa, keiin 17 mamyrǵa qaldyrylǵan bolatyn.
