قىرعىزستان شەكاراداعى احۋالعا قاتىستى دسۇ-عا جٷگٸندٸ
قىرعىزستان ٷكٸمەتٸ ٷندەۋٸندە قازاقستان "10 قازاندا اياق استىنان قازاقستان-قىرعىزستان جەنە قازاقستان-رەسەي شەكارالارىندا قوسىمشا قاداعالاۋ شارالارىن ەنگٸزگەنٸنەن" حاباردار ەتەدٸ. قازاقستان جاعى قوسىمشا شارالار ەنگٸزگەن سوڭ شەكاراداعى ادام كٶپ ٶتەتٸن قىرعىزستاننىڭ "اق-جول" جەنە "اق-تٸلەك" ٶتكٸزۋ بەكەتتەرٸنەن ورتا ەسەپپەن كٷن سايىن ٶتەتٸن ادام مەن كٶلٸك سانى ەكٸ جارىم ەسەگە ازايعان. مەلٸمدەمەدە دسۇ-عا مٷشە قازاقستان سيياقتى قىرعىزستان دا "وسى ۇيىم اياسىندا ٶزٸنٸڭ قۇقىعىن قورعايتىنى" ايتىلادى.
كەشە قىرعىزستاننىڭ ەكونوميكا مينيسترلٸگٸ شەكاراداعى جاعدايعا بايلانىستى ەۋرازييا ەكونوميكالىق وداعىنا (ەاەو) جٷگٸنگەنٸن حابارلاعان. قازاقستان ۇلتتىق ەكونوميكا مينيسترٸ تيمۋر سٷلەيمەنوۆ 17 قازاندا شەكاراداعى تەكسەرۋدٸڭ كٷشەيگەنٸن "ساياسيلاندىرماۋعا" شاقىرعان.
