Қазақша Qazaqsha قازاقشا Русский
DALA INSIDE-qa ótý
Dala 360 Politica Vox Populi Dala Finance Shartarap Bile júrińiz! Referendým
Bilim Suhbat Zań men Tártip Aimaq Jumysshy jyly Aityldy – oryndaldy Bas taqyryp Saraptama Dál qazir Taza Qazaqstan AES: Referendým
DalaNews visual
Freedom Inside '26

Qyrǵyzstan shekaradaǵy ahýalǵa qatysty DSU-ǵa júgindi

Dalanews
Qyrǵyzstan shekaradaǵy ahýalǵa qatysty DSU-ǵa júgindi
Qyrǵyzstan úkimeti 17 qazanda Dúniejúzilik saýda uiymynyń (DSU) hatshylyǵyna qyrǵyz-qazaq shekarasynda qalyptasqan ahýalǵa bailanysty úndeý joldady. Qyrǵyzstan úkimeti apparatynyń aqparattyq qamtamasyz etý bóliminiń habarlaýynsha, úndeý joldaýǵa "Qazaqstannyń DSU qurý týraly kelisimdi jáne osy uiymnyń tarif pen saýda týraly negizgi kelisiminiń talaptaryn buzýy" sebep bolǵan. Bul týraly "Azattyq" saity habarlady.

Qyrǵyzstan úkimeti úndeýinde Qazaqstan "10 qazanda aiaq astynan qazaqstan-qyrǵyzstan jáne qazaqstan-resei shekaralarynda qosymsha qadaǵalaý sharalaryn engizgeninen" habardar etedi. Qazaqstan jaǵy qosymsha sharalar engizgen soń shekaradaǵy adam kóp ótetin Qyrǵyzstannyń "Aq-Jol" jáne "Aq-Tilek" ótkizý beketterinen orta eseppen kún saiyn ótetin adam men kólik sany eki jarym esege azaiǵan. Málimdemede DSU-ǵa múshe Qazaqstan siiaqty Qyrǵyzstan da "osy uiym aiasynda óziniń quqyǵyn qorǵaityny" aitylady.

Keshe Qyrǵyzstannyń ekonomika ministrligi shekaradaǵy jaǵdaiǵa bailanysty Eýraziia ekonomikalyq odaǵyna (EAEO) júgingenin habarlaǵan. Qazaqstan ulttyq ekonomika ministri Timýr Súleimenov 17 qazanda shekaradaǵy tekserýdiń kúsheigenin "saiasilandyrmaýǵa" shaqyrǵan.
Qyrǵyzstan úkimeti Bishkek Qazaq-qyrǵyz shekarasy Atambaev daýy Madina Sádýaqasova

Oqi otyryńyz