قازٸر ەكس-پرەزيدەنت نۇرسۇلتان نازارباەۆقا ارنالعان ەسكەرتكٸش "رۋح وردو" مەدەني ورتالىعىندا جوق, ۆيدەولار مەن فوتولارعا قاراعاندا ونى بٸر جىل بۇرىن الىپ تاستاعان سيياقتى دەپ سايت دەلەل رەتٸندە بٸرنەشە ۆيدەو مەن سۋرەتتٸ كٶرسەتەدٸ.
"نۇرسۇلتان نازارباەۆ ەسكەرتكٸشٸ ىستىقكٶلدەگٸ "رۋح وردودان" الىنىپ تاستالدى. ەسكەرتكٸش كٶلگە جاقىن – ارىقتاردىڭ وڭ جاعىندا ورنالاسقان بولاتىن. ول 2005 جىلى نازارباەۆ 65 جىل تولۋىنا وراي تۇرعىزىلعان. "رۋح-وردونىڭ" جاڭا سۋرەتتەرٸندە ەسكەرتكٸش كٶرٸنبەيدٸ. ەسكەرتكٸشتٸ بٸر جىلدان استام ۋاقىت بۇرىن الىپ تاستاعان سيياقتى, سەبەبٸ ول جاقتا بىلتىر دەمالعانداردىڭ ۆيدەوسىندا ەسكەرتكٸش جوق" دەپ جازدى سايت بەيسەنبٸ كٷنٸ.
قىرعىزستان پرەزيدەنت ەكٸمشٸلٸگٸ اقپاراتقا تٷسٸنٸكتەمە بەرمەگەن. وسى اپتادا ورتالىق ازييا ەلدەرٸ باسشىلارىنىڭ كونسۋلتاتيۆتٸك كەزدەسۋٸ وسى ىستىقكٶل جاعالاۋىنداعى شولپان-اتا قالاسىندا ٶتكەن. بٸر كٷن بۇرىن وسى قالادا قازاق جازۋشىسى مۇحتار ەۋەزوۆتٸڭ ٷي-مۇراجايى الدىندا ونىڭ بيۋستٸ اشىلدى.
ىستىقكٶلگە نازارباەۆ ەسكەرتكٸشٸ 2005 جىلى ورناتىلعان. سول ۋاقىتتا قىرعىزستان بيلٸگٸ نازارباەۆقا ورناتىلعان ەسكەرتكٸشتٸڭ, قىرعىزداردىڭ قازاقتارعا دەگەن ماحابباتىنىڭ كٶرٸنٸسٸ بولىپ تابىلاتىندىعىن مەلٸمدەگەن.
بەلسەندٸلەر مەن ساراپشىلار نازارباەۆ تۇسىندا قازاقستاندا جەكە باسقا تابىنۋ بەلەڭ الدى دەپ سانايدى. ول پرەزيدەنت بولىپ تۇرعان تۇستا ەلدە وعان ەسكەرتكٸشتەر ورناتىلىپ, ەۋەجاي, ٸرٸ قالالاردىڭ ورتالىق كٶشەلەرٸ, ۋنيۆەرسيتەت پەن مەكتەپتەر جەلٸسٸ نازارباەۆتىڭ اتىمەن اتالدى. بۇعان قوسا, قازاقستاننىڭ بٸرنەشە قالاسىندا ەكس-پرەزيدەنت اتىنداعى ساياباق, سپورت كەشەنٸ جەنە مۋزەيلەر بار.
قاڭتار وقيعاسىنان سوڭ نازارباەۆتىڭ بيلٸككە ىقپالى ەلسٸرەگەن. قاڭتار قىرعىنى كەزٸندە تالدىقورعاندا ونىڭ ەسكەرتكٸشٸ قۇلاتىلدى. نۇر-سۇلتان قالاسىن استانا دەپ قايتا اتاۋ تۋرالى پەتيتسييا جازىلدى. نازارباەۆ پەن ونىڭ وتباسى بۇرىنعى قۇدىرەتٸنەن بٸرتٸندەپ ايىرىلا باستادى, تۋعان-تۋىسى لاۋازىمدى قىزمەتتەرٸنەن تٷستٸ, كەيبٸرٸ تۇتقىندالدى.
نازارباەۆ بيلٸك قۇرعان 29 جىلدا ونىڭ قىزدارى مەن اينالاسىنداعى جاقىندارى ەلدەگٸ ەڭ باي ادامعا اينالدى. ونىڭ قىزدارى مەن كٷيەۋبالالارى, جاقىندارىنىڭ شەتەلدەگٸ ٷيلەرٸ مەن وفشورداعى ەسەپشوتتارى بارى انىقتالعان.
