قازۇۋ قازاقستاندىق جوو-لار رەيتينگٸندە كٶش باستاپ تۇر
ەل-فارابي اتىنداعى قازاق ۇلتتىق ۋنيۆەرسيتەتٸ ەلٸمٸزدەگٸ ۇلتتىق جوعارى وقۋ ورىندارى اراسىنداعى كٶشباسشىلىعىن كەزەكتٸ رەت ايقىنداي تٷستٸ. Observatory on Academic Ranking and Excellence (IREG) اككرەديتتەلگەن تەۋەلسٸز اككرەديتتەۋ جەنە رەيتينگ اگەنتتٸگٸ (IAAR) ٶتكٸزەتٸن قازاقستاننىڭ سۇرانىسقا يە جوعارى وقۋ ورىندارىنىڭ 2023 جىلعى رەيتينگٸ نەتيجەسٸندە قازۇۋ ەڭ كٶپ بالل جيناعان ۋنيۆەرسيتەت بولىپ تانىلدى.
IAAR رەيتينگٸندە ٶتكەن جىلمەن سالىستىرعاندا بٸرلەسكەن بٸلٸم بەرۋ باعدارلامالارى سانىنىڭ 22%-عا ٶسكەنٸ بايقالادى. «اكادەمييالىق ۇتقىرلىق» ينديكاتورى بويىنشا بۇل كٶرسەتكٸش 15%-عا ارتقان.
كٶشباسشىلار ٷشتٸگٸن ەل-فارابي اتىنداعى قازاق ۇلتتىق ۋنيۆەرسيتەتٸ باستاپ تۇر (375 132 ۇپاي). ودان كەيٸنگٸ ورىنداردا ل.ن.گۋميلەۆ اتىنداعى ەۋرازييا ۇلتتىق ۋنيۆەرسيتەتٸ (256 734 ۇپاي) مەن س.سەيفۋللين اتىنداعى قازاق اگروتەحنيكالىق ۋنيۆەرسيتەتٸ (135 122 ۇپاي).
بٸلٸم بەرۋ باعدارلامالارىنىڭ ساندىق رەيتينگٸ 1600-دەن استام بٸلٸم بەرۋ باعدارلامالارىنىڭ جەنە قر جوعارى وقۋ ورىندارىنىڭ باس رەيتينگٸن قالىپتاستىرۋعا مٷمكٸندٸك بەرەدٸ. وسى ۇلتتىق رەيتينگكە قاتىسۋ بٸلٸم بەرۋ قىزمەتتەرٸنٸڭ بەسەكەگە قابٸلەتتٸلٸگٸنٸڭ ٶسۋٸنە ىقپال ەتەدٸ. بٸلٸم بەرۋ ساپاسىنىڭ نارىق تالاپتارىنا سەيكەستٸك دەرەجەسٸ, وقىتۋشىلاردىڭ تانىلۋى جەنە جوو-نىڭ عىلىمي-زەرتتەۋ قىزمەتٸنٸڭ نەتيجەلٸلٸگٸ تۋرالى جۇرتشىلىقتى حاباردار ەتەدٸ.
«قازاقستان رەسپۋبليكاسى جوو سۇرانىسىنىڭ تەۋەلسٸز رەيتينگٸ – 2023» تۋرالى تولىق اقپاراتتى «Education Quality Assurance» جۋرنالىنان جەنە https://iaar.agency/rating/1/0/2023 ۆەب-سايتىنان تابۋعا بولادى.
ەل-فارابي اتىنداعى قازۇۋ-دىڭ باسپاسٶز قىزمەتٸ
