قازاقستان عالىمدارى زاتتاردىڭ يادرولىق ارەكەتتەسۋىن ساراپتايتىن ارنايى باعدارلاما كەشەنىن دايىندادى. اتالعان باعدارلامانىڭ كومەگىمەن عالىمدار وزدەرىنە قاجەتتى مالىمەتتەردى زامان تالابىنا ساي وڭدەپ، عىلىمي-زەرتتەۋ جۇمىسىمەن اينالىسۋىنا بولادى، – دەپ حابارلايدى «ۇلتتىق عىلىمي-تەحنيكالىق اقپارات ورتالىعى» اق باسپا ءسوز قىزمەتى.

وسى ءبىر ماڭىزدى جۇمىسپەن ءال-فارابي اتىنداعى قازۇۋ جانىنداعى تاجىريبەلىك جانە تەوريالىق فيزيكا عىلىمي-زەرتتەۋ ينستيتۋتى عالىمدارى اينالىستى. ال عىلىمي جۇمىسقا فيزيكا جانە ماتەماتيكا عىلىمدارىنىڭ كانديداتى ب.و. قۇرمانعالييەۆا جەتەكشىلىك جاساعانىن ايتا كەتۋىمىز كەرەك.

جاڭا باعدارلامالار كەشىنىن عالىمدار، ارنايى ماماندار، ىزدەنۋشى ستۋدەنت جاستار عىلىمي-زەرتتەۋ جۇمىستارىنا ەركىن پايدالانا الادى. ەسكەرتەتىن ءبىر جايت، باعدارلاما ماگاتە باقىلاۋ جاسايتىن الەمدىك مالىمەتتەر قورىنا قوسىلعان. قازىرگى تاڭدا كەشەندى باعدارلامالار قورى جاڭا مالىمەتتەرمەن تولعىپ كەلەدى. جاپوندىق ماماندار دايىنداعان HENDEL جۇيەسىنە دە بەيىمدەلگەنىمەن ەرەكشەلەنەدى.

قازىرشە قازاقستان حالىقارالىق مالىمەتتەر قورىنا باقىلاۋشى رەتىندە قاتىسۋدا. بولاشاقتا ەلىمىز ونىڭ تولىققاندى مۇشەسى بولماقشى.