Qazaqstan ǵalymdary zattardyń ıadrolyq árekettesýin saraptaıtyn arnaıy baǵdarlama keshenin daıyndady. Atalǵan baǵdarlamanyń kómegimen ǵalymdar ózderine qajetti málimetterdi zaman talabyna saı óńdep, ǵylymı-zertteý jumysymen aınalysýyna bolady, – dep habarlaıdy «Ulttyq ǵylymı-tehnıkalyq aqparat ortalyǵy» AQ Baspasóz qyzmeti.

Osy bir mańyzdy jumyspen Ál-Farabı atyndaǵy QazUÝ janyndaǵy Tájirıbelik jáne teorıalyq fızıka ǵylymı-zertteý ınstıtýty ǵalymdary aınalysty. Al ǵylymı jumysqa fızıka jáne matematıka ǵylymdarynyń kandıdaty B.O. Qurmanǵalıeva jetekshilik jasaǵanyn aıta ketýimiz kerek.

Jańa baǵdarlamalar keshinin ǵalymdar, arnaıy mamandar, izdenýshi stýdent jastar ǵylymı-zertteý jumystaryna erkin paıdalana alady. Eskertetin bir jaıt, baǵdarlama MAGATE baqylaý jasaıtyn álemdik málimetter qoryna qosylǵan. Qazirgi tańda keshendi baǵdarlamalar qory jańa málimettermen tolǵyp keledi. Japondyq mamandar daıyndaǵan HENDEL júıesine de beıimdelgenimen erekshelenedi.

Qazirshe Qazaqstan halyqaralyq málimetter qoryna baqylaýshy retinde qatysýda. Bolashaqta elimiz onyń tolyqqandy múshesi bolmaqshy.