سيفرلىق دامۋ، يننوۆاسيالار جانە اەروعارىش ونەركاسىبى مينيسترلىگى "پاك قىزداردىڭ تىزىمىنە" قاتىستى مالىمدەمە جاسادى. ءتىزىمدى تاراتقاندار تارتىلاتىن بولدى، - دەپ حابارلايدى Dalanews.kz.
مينيسترلىك ءال-فارابي اتىنداعى قازۇۋ ۋنيۆەرسيتەتىندە دەربەس دەرەكتەردى تاراتۋ بويىنشا بولعان جاعدايعا قاتىستى تۇسىنىكتەمە الۋ ءۇشىن وقۋ ورنىنا سۇراۋ سالعان.
"جوو ۇسىنعان جاۋاپقا سايكەس، ۋنيۆەرسيتەتپەن شارت نەگىزىندە ارەكەت ەتەتىن مەديسينالىق ۇيىمنىڭ قىزمەتكەرى 2024 جىلعى 6 اقپاندا WhatsApp ارقىلى فليۋوروگرافيالىق زەرتتەۋدەن ءوتۋ ءۇشىن ستۋدەنتتەر ءتىزىمى بار Excel فورماتىنداعى قۇجاتتاردى جىبەرگەن، وندا ستۋدەنتتەردىڭ اتى-جونىنەن بولەك، مەديسينا قىزمەتكەرىنىڭ قۇپياسىنا جاتاتىن مالىمەتتەر قامتىلعان"، - دەيدى ۆەدومستۆو وكىلدەرى.
بۇگىنگى تاڭدا مينيسترلىككە جەكە دەرەكتەرى تىزىمدە بولعان ازاماتتاردان وتىنىشتەر تۇسپەگەن.
"الماتى قالاسىنىڭ پوليسيا دەپارتامەنتى قازاقستان رەسپۋبليكاسىنىڭ دەربەس دەرەكتەر جانە ولاردى قورعاۋ تۋرالى زاڭناماسىنىڭ تالاپتارىن بۇزۋ بويىنشا قىلمىستىق ءىس قوزعادى، ونىڭ شەڭبەرىندە مينيسترلىك قىزمەتكەرلەرى مامان رەتىندە تارتىلدى، ونىڭ قورىتىندىسى بويىنشا ۋنيۆەرسيتەتتىڭ ىس-ارەكەتتەرى بويىنشا ساراپتامالىق قورىتىندى ۇسىنىلدى. قىلمىستىق ءىستىڭ قورىتىندىسى بويىنشا قىلمىستىق قۇقىق بۇزۋشىلىق فاكتىلەرى بولماعان جاعدايدا مينيسترلىك اكىمشىلىك جاۋاپكەرشىلىككە تارتۋ ماسەلەسىن قارايتىن بولادى"، - دەدى ءسدياوم باسپا ءسوز قىزمەتى.
ەسكە سالايىق، بيىل اقپاندا WhatsApp مەسسەندجەرىندە 190 ادامنان تۇراتىن توپقا ستۋدەنتتەر ءتىزىمى بار 4 قۇجات جىبەرىلىپ كەتكەن بولاتىن. وندا قىزىل تۇسپەن بەلگىلەنگەندەر فليۋوروگرافيادان ءوتۋى كەرەك بولعان. تىزىمدە قىزداردىڭ اتى-جوندەرىنەن باسقا، جسن، ۇيالى نومىرلەرى جانە مەديسينالىق مالىمەتتەرى جازىلعان. سونداي-اق ولاردىڭ قايسىسى «پاك»، قايسىسى «پاك ەمەس» ەكەنى تۋرالى اقپارات تا تاراپ كەتكەن.
