Tsifrlyq damý, innovatsiialar jáne aeroǵarysh ónerkásibi ministrligi "pák qyzdardyń tizimine" qatysty málimdeme jasady. Tizimdi taratqandar tartylatyn boldy, - dep habarlaidy Dalanews.kz.
Ministrlik Ál-Farabi atyndaǵy QazUÝ ýniversitetinde derbes derekterdi taratý boiynsha bolǵan jaǵdaiǵa qatysty túsinikteme alý úshin oqý ornyna suraý salǵan.
"JOO usynǵan jaýapqa sáikes, ýniversitetpen shart negizinde áreket etetin meditsinalyq uiymnyń qyzmetkeri 2024 jylǵy 6 aqpanda WhatsApp arqyly fliýorografiialyq zertteýden ótý úshin stýdentter tizimi bar Excel formatyndaǵy qujattardy jibergen, onda stýdentterdiń aty-jóninen bólek, meditsina qyzmetkeriniń qupiiasyna jatatyn málimetter qamtylǵan", - deidi vedomstvo ókilderi.
Búgingi tańda ministrlikke jeke derekteri tizimde bolǵan azamattardan ótinishter túspegen.
"Almaty qalasynyń politsiia departamenti Qazaqstan Respýblikasynyń derbes derekter jáne olardy qorǵaý týraly zańnamasynyń talaptaryn buzý boiynsha qylmystyq is qozǵady, onyń sheńberinde ministrlik qyzmetkerleri maman retinde tartyldy, onyń qorytyndysy boiynsha Ýniversitettiń is-áreketteri boiynsha saraptamalyq qorytyndy usynyldy. Qylmystyq istiń qorytyndysy boiynsha qylmystyq quqyq buzýshylyq faktileri bolmaǵan jaǵdaida ministrlik ákimshilik jaýapkershilikke tartý máselesin qaraityn bolady", - dedi TsDIAÓM baspasóz qyzmeti.
Eske salaiyq, biyl aqpanda WhatsApp messendjerinde 190 adamnan turatyn topqa stýdentter tizimi bar 4 qujat jiberilip ketken bolatyn. Onda qyzyl túspen belgilengender fliýorografiiadan ótýi kerek bolǵan. Tizimde qyzdardyń aty-jónderinen basqa, JSN, uialy nómirleri jáne meditsinalyq málimetteri jazylǵan. Sondai-aq olardyń qaisysy «pák», qaisysy «pák emes» ekeni týraly aqparat ta tarap ketken.
