كوسمەتولوگييالىق كلينيكالار جەلٸسٸنٸڭ باسشىسى بٸرنەشە ادامدى ونداعان ميلليون تەڭگەگە الداپ كەتكەن. جەبٸرلەنۋشٸلەردٸڭ اراسىندا قالالىق مەسليحاتتىڭ بۇرىنعى دەپۋتاتى دا بار. ول كەسٸپكەر ەيەلگە بيزنەسٸن دامىتۋ ٷشٸن 80 ميلليون تەڭگە بەرگەن. بۇل تۋرالى «دياپازون» باسىلىمى جازدى, دەپ حابارلايدى dalanews.kz.
سوتتالۋشى – 33 جاستاعى ايگەرٸم ك. ەسٸمدٸ ەيەل. ول ينۆەستورلارعا وڭتٷستٸك كورەيادان مەديتسينالىق اپپاراتتار ساتىپ الىپ, ولاردى تمد ەلدەرٸنە قايتا ساتۋ جەنە كلينيكالار جەلٸسٸن كەڭەيتۋ ارقىلى تابىس تابۋدى ۇسىنعان.
الايدا ونىڭ ۇسىنىسىنا سەنگەن ادامدار اقشاسىنان ايىرىلعان.
جەبٸرلەنۋشٸلەردٸڭ بٸرٸ باستاپقىدا كەسٸپكەرگە قولما-قول 10 ميلليون تەڭگە بەرگەن. كەيٸن بانكتەن 24 ميلليون تەڭگە نەسيە رەسٸمدەپ, ونى دا ەيەلگە تاپسىرعان. تاعى بٸر ەيەل جەكە ٷيٸن ساتىپ, تٷسكەن اقشانى ونىڭ بيزنەسٸنە سالعان. قازٸر سوتتالۋشى وعان 14 ميلليون تەڭگەدەن استام قارىز.
ەڭ كٶپ شىعىنعا ۇشىراعانداردىڭ بٸرٸ – قالالىق مەسليحاتتىڭ بۇرىنعى دەپۋتاتى. ول ايگەرٸممەن جاقسى قارىم-قاتىناستا بولعان, ونىڭ كلينيكاسىندا قىزمەت العان جەنە كەسٸپكەرگە سەنگەن. وسىلايشا ەيەلگە جالپى سوماسى 80 ميلليون تەڭگە بەرگەن.
باستاپقىدا كەسٸپكەر قارىزدىڭ بٸر بٶلٸگٸن اي سايىن قايتارىپ وتىرعان. الايدا كەيٸن تٶلەمدەر توقتاعان. بۇرىنعى دەپۋتاتتىڭ ايتۋىنشا, پايىزداردى قوسقاندا ەيەلدٸڭ وعان بەرەشەگٸ 97 ميلليون تەڭگەگە جەتكەن.
قىلمىستىق ٸس بويىنشا بارلىعى بەس ەپيزود قارالعان. الايدا سوتتالۋشى ٶز كٸنەسٸن مويىنداماعان. ونىڭ ايتۋىنشا, ول ەشكٸمگە بيزنەسكە ينۆەستيتسييا سالۋدى ۇسىنباعان, تەك قارىزعا اقشا العان. سونداي-اق جەبٸرلەنۋشٸلەردٸڭ بٸرٸنەن 59 ميلليون تەڭگە الىپ, كەيٸن 89 ميلليون تەڭگە قايتارعانىن ايتقان. بٸراق ولاردىڭ اراسىنداعى دوستىق قارىم-قاتىناسقا بايلانىستى اقشانىڭ قايتارىلعانىن قۇجات جٷزٸندە رەسٸمدەمەگەنٸن مەلٸمدەگەن.
ال بۇرىنعى دەپۋتاتتىڭ پوليتسيياعا ارىز جازۋىن ەيەل ونىڭ قوڭىراۋلارىنا جاۋاپ بەرمەي قويعانىمەن تٷسٸندٸرگەن. سوتتالۋشىنىڭ سٶزٸنشە, ول كەزدە ۋاقىتشا ۇستاۋ يزولياتورىندا بولعاندىقتان, تەلەفون قوڭىراۋلارىن قابىلداي الماعان.
سوت ايگەرٸم ك.-نى بارلىق ەپيزود بويىنشا الاياقتىق جاساعانى ٷشٸن كٸنەلٸ دەپ تانىپ, 5 جىل 6 ايعا باس بوستاندىعىنان ايىرۋ جازاسىن تاعايىندادى.
الايدا ول بٸردەن تٷرمەگە قامالمايدى. سوت تٶرت بالانىڭ اناسى ەكەنٸن, كەنجە بالاسى بيىل شٸلدەدە دٷنيەگە كەلگەنٸن ەسكەرٸپ, جازانى ٶتەۋدٸ بەس جىلعا كەيٸنگە قالدىرعان. ٷكٸمدە سوتتالعان ەيەلدٸڭ اجىراسقانى دا كٶرسەتٸلگەن.
سونىمەن قاتار سوت وعان جەبٸرلەنۋشٸلەرگە كەلتٸرٸلگەن شىعىندى ٶتەۋدٸ مٸندەتتەدٸ. ەزٸرگە ٷكٸم زاڭدى كٷشٸنە ەنگەن جوق.
