ق ر IAAR باس ديرەكتورى الينا جۇماعۇلوۆا شارانى اشىپ، ءبىلىم بەرۋ جۇيەسىنىڭ جاھاندىق سىن-قاتەرلەرىنە توقتالىپ، ءبىلىم بەرۋ سالاسىنداعى ىنتىماقتاستىق پەن مادەني الماسۋدىڭ ماڭىزىن ەرەكشە اتادى.
قازۇۋ-دىڭ باسقارما ءتوراعاسى – رەكتورى جانسەيىت تۇيمەبايەۆ ترانسۇلتتىق ءوزارا ءىس-قيمىل جانە جوعارى ءبىلىم بەرۋ ساپاسىن قامتاماسىز ەتۋ ماسەلەلەرىنە ارنالعان فورۋم تاقىرىبىنىڭ وزەكتىلىگىنە توقتالىپ، زەرتتەۋ ۋنيۆەرسيتەتى – بۇل ءبىلىم مەن عىلىمنىڭ كوپتارماقتى ماسەلەلەرىن شەشۋگە قابىلەتتى مودەل ەكەنىن اتاپ ءوتتى.
– قازىرگى ۋاقىتتا ءال-فارابي اتىنداعى قازۇۋ ماكرو دەڭگەيدە ءبىلىم بەرۋ جانە عىلىمي-يننوۆاسيالىق قىزمەت ناتيجەلەرىنە قول جەتكىزۋگە باعىتتالعان دامۋ باعدارلاماسىن ىسكە اسىرۋدا. ءبىزدىڭ ۋنيۆەرسيتەت QS جاھاندىق رەيتينگىندە الەمدەگى ەڭ ۇزدىك ۋنيۆەرسيتەتتەر اراسىندا 150-ورىندا، سونداي-اق ۇلتتىق جانە حالىقارالىق رەيتينگتەردە الدىڭعى ورىنداردان كورىنۋدە. وقۋ ورنىنىڭ ءبىلىم بەرۋ جانە عىلىمي الەۋەتىن ەسكەرە وتىرىپ، ءبىز قازاقستاندا الەمدىك دەڭگەيدەگى زەرتتەۋ ۋنيۆەرسيتەتى مودەلىن قۇرۋدامىز، – دەدى رەكتور.
ۋنيۆەرسيتەت عىلىمىنىڭ ەلدىڭ الەۋمەتتىك-ەكونوميكالىق دامۋىنا قوسقان ۇلەسىن ارتتىرۋ ءۇشىن عىلىم مەن ءبىلىم بەرۋدىڭ ناقتى ينتەگراسياسىنا باعىت الىندى. بۇگىندە ۋنيۆەرسيتەتتىك ءبىلىم بەرۋدىڭ پەرسپەكتيۆالىق مودەلى قالىپتاسۋدا: وقۋ ورنىندا 500-دەن استام ءبىلىم بەرۋ باعدارلاماسى ىسكە اسىرىلۋدا، 137 ءبىلىم بەرۋ باعدارلاماسى QS by Subject رەيتينگىندە 500 توبىنا كىردى. الەمنىڭ جوعارى وقۋ ورىندارى جانە عىلىمي ورتالىقتارىمەن ستراتەگيالىق ارىپتەستىك جۇزەگە اسىرىلادى. قوس ديپلوم باعدارلامالارى، حالىقارالىق جوبالار، وپق ءۇشىن تاعىلىمدامالار جانە ءبىلىم الۋشىلاردىڭ اكادەميالىق ۇتقىرلىعى تابىستى جۇرگىزىلۋدە.
ق ر پارلامەنتى سەناتىنىڭ ءتوراعاسى ماۋلەن اشىمبايەۆتىڭ قۇتتىقتاۋ حاتىن ق ر پارلامەنتى سەناتىنىڭ دەپۋتاتى باقىتجان جۇماعۇلوۆ وقىدى. وندا ادامي كاپيتال مەن ءبىلىم ساپاسى ۇلتتىق كۇن ءتارتىبىنىڭ باستى باسىمدىعى ەكەنى ايتىلدى. «قازاقستاننىڭ ۇلتتىق ءبىلىمى قازىرگى زامانعى ترەندتەرگە سايكەس دامىپ، باسەكەگە قابىلەتتى جانە سىني تۇرعىدان ويلايتىن، ەڭبەك نارىعىنىڭ قازىرگى زامانعى تالاپتارىنا بەيىمدەلگەن قاجەتتى كاسىبي قۇزىرەتتىلىككە يە ادامداردى قالىپتاستىرۋى ماڭىزدى»، – دەلىندى قۇتتىقتاۋدا.
جيىندا ءسوز العان ق ر عىلىم جانە جوعارى ءبىلىم ءمينيسترى ساياسات نۇربەك جوعارى ءبىلىم ساپاسىن ارتتىرۋ جولىنداعى ماقسات-مىندەتتەرگە نازار اۋداردى. ۆەدومستۆو باسشىسى فورۋم قاتىسۋشىلارىنا كوپتەگەن ماسەلەلەردى القالى تۇردە پىسىقتاۋدى ۇسىندى. ونىڭ قاتارىندا جوعارى ءبىلىمنىڭ قانداي مودەلىن، اتاپ ايتقاندا: الەۋمەتتىك تەگىن، تاۋەلسىز نەمەسە ارالاس ءتۇرىن ەنگىزۋ ماسەلەسىن اتادى. «دەموگرافيالىق جارىلىس، ءبىلىم الۋشىلار سانىنىڭ ارتۋى ءونلاين-بىلىم بەرۋ كونتەنتىن جانە سيفرلاندىرۋعا قول جەتكىزۋدى قاجەت ەتتى»، – دەدى مينيستر.
شارا اياسىندا ق ر عىلىم جانە جوعارى ءبىلىم ءمينيسترى ساياسات نۇربەك قازۇۋ-دىڭ نانوسپۋتنيك زەرتحاناسى، جەردى قاشىقتىقتان زوندتاۋ ورتالىعى، «كەرەمەت» ستۋدەنتتەرگە قىزمەت كورسەتۋ ورتالىعىنىڭ جۇمىسىمەن تانىستى.
فورۋمنىڭ پلەنارلىق وتىرىسىندا تاجىكستان رەسپۋبليكاسىنىڭ VI سايلانعان ءماجىلىس دەپۋتاتى گۇلزودا ءقۇربونالي، قىرعىز رەسپۋبليكاسى ءبىلىم جانە عىلىم ءمينيسترىنىڭ ورىنباسارى راسۋل ابازبەك، IAAR بايقاۋ كەڭەسىنىڭ ءتورايىمى، كەڭەس ءتوراعاسىنىڭ ورىنباسارى ءبىرعانىم ءايتىموۆا، ق ر جوعارى وقۋ ورىندارى قاۋىمداستىعىنىڭ پرەزيدەنتى راحمان الشانوۆ، دۇنيەجۇزىلىك مەديسينالىق ءبىلىم بەرۋ فەدەراسياسىنىڭ پرەزيدەنتى ديەۆيد گوردون، جوعارى ءبىلىم ساپاسىن قامتاماسىز ەتۋ جونىندەگى ەۋروپالىق رەەستر پرەزيدەنتى كارل ديتريح، جوعارى ءبىلىم بەرۋدەگى ساپانى قامتاماسىز ەتۋ جونىندەگى ەۋروپالىق قاۋىمداستىقتىڭ ديرەكتورلار كەڭەسىنىڭ مۇشەسى، جوعارى ءبىلىم ساپاسى جونىندەگى اگەنتتىك (AIKA) ديرەكتورى يولانتا سيلكا ءسوز سويلەدى.
سونداي-اق جيىن بارىسىندا رەيتينگ جەڭىمپازدارىن ماراپاتتاۋ ءراسىمى ءوتتى. اككرەديتتەۋ جانە رەيتينگتىڭ تاۋەلسىز اگەنتتىگى (IAAR) رەيتينگىندە ءال-فارابي اتىنداعى قازاق ۇلتتىق ۋنيۆەرسيتەتى ءبىرىنشى ورىندى يەلەندى.
ودان ءارى فورۋم جۇمىسى پانەلدىك سەسسيالارعا جالعاستى. وندا «شىنايى جاھاندىق جاعدايدىڭ ءبىلىم بەرۋدىڭ دامۋىنا ىقپالى»، «ۋنيۆەرسيتەت ارحيتەكتۋراسى: جاڭا ۇلگىلەر مەن مۇمكىندىكتەر»، «سيفرلىق ترانسفورماسيا داۋىرىندەگى مەديسينالىق ءبىلىم بەرۋدىڭ ساپاسى»، «ستۋدەنتكە باعىتتالعان ءادىس: باسقارۋ جانە مادەنيەت» تاقىرىبى اياسىندا باياندامالار تىڭدالادى.
اككرەديتتەۋ جانە رەيتينگ تاۋەلسىز اگەنتتىگى (IAAR) ۇيىمداستىرعان ءىرى حالىقارالىق فورۋم ساندىق ترانسفورماسيا جاعدايىندا ءبىلىم بەرۋ سالاسىنداعى ۇزدىك تاجىريبەنى تالقىلاۋ جانە الماسۋ الاڭىن قۇرۋعا باعىتتالدى.
ءال-فارابي اتىنداعى قازۇۋ-دىڭ باسپا ءسوز قىزمەتى
