– ەرينە, قالامەن سالىستىرعاندا اۋىلداعى پوشتا قىزمەتٸنٸڭ دەڭگەيٸ تٶمەن ەكەنٸ راس. بٸراق بۇل جەردە جالپى ساپاعا ەسەر ەتٸپ وتىرعان ماڭىزدى ەكٸ نەرسە بار. بٸرٸنشٸ – بەسەكەلەستٸكتٸڭ جوقتىعى. ەكٸنشٸ – باقىلاۋدىڭ جەنە تۇرعىندارمەن بايلانىستىڭ بولماۋى. مەسەلەن, بەسەكەلەستٸكتٸ الايىق. اۋىلعا ەشقاشان ەشكٸم بارمايدى. نەگە? سەبەبٸ, تيٸمسٸز ەرٸ پايداسىز. سوعان قاراماستان, اۋىلداعى پوشتا قىزمەتٸ پايداسىز بولسا دا, بٸزگە اۋىل تۇرعىندارىنا قىزمەت كٶرسەتۋ ماڭىزدى.
ٶزدەرٸڭٸز بٸلەتٸندەي, اۋىلدىق جەرلەردە «قازپوشتادان» باسقا پوشتالىق, كۋرەرلٸك كومپانييالار مەن بانكتەر قارجىلىق ەرٸ پوشتالىق قىزمەت كٶرسەتپەيدٸ. اۋىل ٷشٸن زەينەتاقى مەن جەردەماقى بەرەتٸن ورتالىق, گازەت-جۋرنال جەتكٸزۋشٸ, حات-حابار, سەلەمدەمە جٸبەرۋ-الۋدا «قازپوشتا» – قالا مەن اۋىلدى جالعاپ تۇرعان كٶپٸر. وسىنى ەسكەرە وتىرىپ, ەسٸڭٸزدە شىعار, پوشتا بٶلٸمدەرٸ جابىلىپ جاتقان كەزدە (500-دەي پوشتا بٶلٸمدەرٸ جابىلدى) بارلىق پوشتا بٶلٸمدەرٸن جاپپاۋ تۋرالى شەشٸم قابىلدادىق. ەرٸ قىزمەت كٶرسەتۋ اۋقىمىن ٶسٸرۋ ارقىلى ٷنەمٸ جاڭا تابىس كٶزدەرٸن ٸزدەۋدەمٸز. كەيدە بٸرنەشە حات پەن گازەت ٷشٸن اۋىلداعى پوشتا قىزمەتكەرٸ 200-300 شاقىرىم جەرگە بارادى. ٶيتكەنٸ, اۋىلدا «قازپوشتانى» ەردايىم كٷتٸپ وتىرادى.
اۋىلداعى پوشتا قىزمەتٸ مەسەلەسٸندە, بٸزدٸڭ بٸرٸنشٸ كەزەكتەگٸ ماقساتىمىز – اۋىلداعى پوشتا جٷيەسٸن ساقتاۋ, ەكٸنشٸ – اۋىل تۇرعىندارىمەن بايلانىستى جاقسارتۋ, ٷشٸنشٸ – تۇرعىنداردىڭ پوشتا جەنە قارجىلىق قاجەتتٸلٸكتەرٸن قامتاماسىز ەتۋ. دەل وسى ساپاعا باقىلاۋ جاساۋ جەنە تۇرعىندارمەن بايلانىستى جاقسارتۋ ٷشٸن «قازپوشتانىڭ» ترانسفورماتسييا اياسىندا سيتۋاتسييالىق ورتالىق قۇرىپ (قازٸرگٸ كەزدە 240 بٶلٸمشە, 35 پوشتا ۆاگونى قوسىلدى. بيىل تاعى 200 بٶلٸمشە جٷيەگە قوسىلادى), ٶڭٸرلەردەگٸ بٶلٸمدەرگە ۆيدەوباقىلاۋ ورناتىپ, ەلەكتروندى كەزەك جٷيەسٸ ارقىلى قىزمەت كٶرسەتۋ جىلدامدىعىن ۋاقىتىندا كٶرٸپ وتىرامىز. جەنە بٸرىڭعاي بايلانىس ورتالىعى قۇرىلدى. بۇل ورتالىققا قالالىق جەنە موبيلدٸ تەلەفوننان تەگٸن حابارلاسىپ, كەز كەلگەن اقپاراتتى الۋعا بولادى. سونىمەن بٸرگە, قىزمەت ساپاسىن تالداۋ ماقساتىندا جىل سايىن «Mystery Shopping» (قۇپييا ساتىپ الۋشى) زەرتتەۋٸن جٷرگٸزٸپ كەلەمٸز.
بەرٸ بٸردەن بولا قالمايتىنى بەلگٸلٸ. سوندىقتان بٸز فيليالدىق جٷيەسٸ بٷكٸل ەلگە تامىرداي جايىلعان «قازپوشتاداي» الىپ پوشتا جٷيەسٸن ورنىنان قوزعالتىپ, باسقا راكۋرسقا اۋدارۋعا بارلىعىن جاساۋدامىز.
– اۋىلدار مەن وبلىستارعا حات-حابارلاردىڭ, باسپا ٶنٸمدەرٸنٸڭ ۋاقىتىنان كەشٸگٸپ جەتەتٸنٸ باسپاسٶزدە جيٸ سٶز بولادى. بۇل تاراپتا قانداي جۇمىستار اتقارىلىپ جاتىر?
– مۇنىمەن كەلٸسەمٸن. قىزمەت كٶرسەتۋدٸڭ نەگٸزگٸ پارامەترٸ بۇل – جەتكٸزۋ ۋاقىتى مەن جەدەل قىزمەت كٶرسەتۋ. بۇل جاعى اۋىلدىق جەرلەردە ەلٸ دە ناشار. بۇل جەردە جالپى اۋماعى 360 مىڭ شاقىرىم اۆتو باعىتتىڭ بار ەكەنٸن ەسكەرەك, وندا بٸزگە ۋاقىتتى قاداعالاپ, باقىلاپ جەنە جٷيەلٸ ەرٸ قولايلى جەتكٸزۋ ٷشٸن جاقسى اۆتوماتتاندىرىلعان لوگيستيكالىق جٷيە كەرەك. ال, مۇنداي جٷيەنٸ قۇرۋ جۇمىستارى قارقىندى جٷرگٸزٸلٸپ جاتىر. سالىستىرمالى تٷردە قازٸر قانداي جۇمىستار ٸستەلٸپ جاتقانىنا توقتالساق. مەسەلەن, بۇرىن جٸبەرٸلگەن پوشتا ك+7 (سەلەمدەمەنٸڭ تاپسىرىلعان كٷنٸ + 7 كٷن جەتكٸزۋ بەرٸن قوسقاندا 8 كٷن) بولسا, قازٸر ك+4 رەجيمٸندە جۇمىس ٸستەپ جاتىرمىز. شەتەلدٸك پوشتا كومپانييالارى بۇل پارامەتردٸ كەرٸسٸنشە, ٶسٸرۋدە (مىسالى, اۆسترييادا جەتكٸزۋ ۋاقىتى ك+2 دەن ك+3 ٶسكەن).
باسپا ٶنٸمدەرٸن تاراتۋعا كەلسەك, 2016 جىلدىڭ 1 توقسانىندا رەسپۋبليكالىق گازەتتەردٸ جەتكٸزۋ مەسەلەسٸندە باسپالار مەرزٸمدٸ باسپاسٶزدٸ «قازپوشتانىڭ» «يۋگ» اقپاراتتىق-لوگيستيكالىق ورتالىعى فيليالىنىڭ قىزمەتكەرلەرٸنە ۋاقىتىندا تاپسىرماعاندىقتان باسپا ٶنٸمدەرٸنٸڭ وبلىس, اۋدان, اۋىلدارعا جەتۋ ۋاقىتى بۇزىلدى. ادام فاكتورىنا بايلانىستى «قازپوشتا» تاراپىنان دا جەتكٸزۋدە كەشٸگۋ بولدى. مۇنداي جاعدايلاردى جاڭا تەحنولوگييا, يننوۆاتسييا جەنە اۆتوماتتاندىرىلعان جٷيە ەنگٸزۋ ارقىلى ازايتتىق. قازٸردٸڭ ٶزٸندە ديسپەتچەرلٸك قىزمەتتٸ قاداعالاۋ ٷشٸن GPS جٷيەسٸ ارقىلى باقىلاۋ ورناتىلدى. بۇل ٶز كەزەگٸندە بەلگٸلەنگەن مارشرۋتقا شىقتىم دەپ جالعان اقپارات بەرۋدٸ جول كەستٸ. كۋرەرلٸك قىزمەتكە قوسىمشا رەتٸندە الداعى ۋاقىتتا تاكسيست جٷرگٸزۋشٸلەرٸن دە قوسۋ جوسپارلانىپ وتىر. بٷگٸنگٸ كٷنٸ سولتٷستٸك قازاقستان, قاراعاندى وبلىستارىندا بٸر باعىتتا ٷنەمٸ ادام تاسيتىن تاكسي جٷرگٸزۋشٸلەرٸمەن كەلٸسٸم جاسالدى. ەندٸ ولار ٶز باعىتتارىندا پوشتا جەتكٸزەتٸن بولادى. مەنٸڭشە, بولاشاقتا دەل وسى باعىت لوگيستيكانىڭ نەگٸزگٸ مودەلٸ بولادى.
– جوعارىدا ايتقانىمداي, اۋىلدا جۇمىس جٷرگٸزۋ كٶپ شىعىندى تالاپ ەتەدٸ: عيماراتتى جالعا الۋ, كوممۋنالدىق تٶلەمدەر, كٶلٸك شىعىندارى, ەڭبەكاقى مەن بايلانىس قىزمەتٸ اقىلارى. بۇعان ەلدەگٸ ەكونوميكالىق جاعداي ياعني, ينفلياتسييا قىزمەت كٶرسەتۋ قۇنىنىڭ ٶسۋٸ دە ٶز ەسەرٸن تيگٸزٸپ وتىر. سوندىقتان دا اۋىلداعى بٶلٸمشەلەر پايدا تابۋ بىلاي تۇرسىن, شىعىننىڭ جارتىسىن دا جابا المايدى.
كٶپ شىعىن مەن ٷلكەن ەڭبەكتٸ قاجەت ەتەتٸندٸكتەن اۋىل تۇرعىندارىنا پوشتا قىزمەتٸن كٶرسەتۋ جەكەمەنشٸك كومپانييالارعا تيٸمسٸز. تەك «قازپوشتا» عانا اۋىلدىق جەرلەردە پوشتا جەنە قارجىلىق قىزمەت كٶرسەتەتٸن جالعىز كومپانييا. جەكەمەنشٸك كومپانييالار اۋىلدا پوشتا جەنە كۋرەرلٸك قىزمەت كٶرسەتۋ جۇمىسىن باستاسا, بٸز وعان تەك قۋانار ەدٸك. «قازپوشتا» ولاردىڭ جولىن جاۋىپ وتىرعان جوق.
اۋىلداعى پوشتا قىزمەتٸنٸڭ وسىنداي جاعدايىن ەسكەرە كەلە, بۇل داعدارىستان شىعۋدىڭ مىناداي جولدارى تۇردى. بٸرٸنشٸ – تاريفتەردٸ ٶسٸرۋ (رەسەي وسى جولدى تاڭداعان) ەكٸنشٸ – ٷكٸمەتتٸڭ كٶمەگٸنە جٷگٸنۋ (باسقا ەلدەردٸڭ پوشتا كومپانييالارى وسى جاسادى), ٷشٸنشٸ – اۋىلداعى تيٸمسٸز پوشتا قىزمەتٸن توقتاتۋ. بٸراق, ٶزدەرٸڭٸز كٶرٸپ-بٸلٸپ وتىرعانداي, «قازپوشتا» جوعارىدا ايتىلعان جولداردىڭ ەشقايسىسىنا مويىن بۇرماي, ٶزگە جول تاۋىپ, بەرٸن ٷكٸمەتكە نەمەسە تۇتىنۋشىعا يتەرە سالماي, اۋىلداعى قىزمەتٸن جالعاستىرىپ وتىر.
كومپانييانىڭ ترانسفورماتسيياسىن جٷرگٸزٸپ, سونىڭ ٸشٸندە بيزنەس-پروتسەستەردٸ, اۆتوماتيزاتسييانى وڭتايلاندىرىپ, يننوۆاتسييانى ەنگٸزۋ, نارىققا جاڭا پوشتالىق جەنە قارجىلىق ٶنٸمدەر مەن قىزمەتتەردٸ ەكەلۋ ارقىلى اۋىلدارداعى پوشتا قىزمەتٸ شىعىندارىن جابۋدىڭ كٶرسەتكٸشٸن كٶتەرۋدٸ كٶزدەپ وتىرمىز. جۇمىس جٷرگٸزۋ تەسٸلٸنٸڭ ٶزگەرگەنٸن, جاسالىپ جاتقان رەفورمالاردىڭ تيٸمدٸلٸگٸن كٶرگەن سوڭ, تەۋەلسٸزدٸك 25 جىلى ٸشٸندە مەملەكەت بٸرٸنشٸ رەت قولداپ, 2017 جىلدان باستاپ, پوشتا قىزمەتٸن قولداۋعا جىلىنا 1,7 ملرد تەڭگە سۋبسيدييا بٶلمەك. بۇل كومپانيياعا اۋىلدىق جەردەگٸ شىعىنعا شىعىپ كەلگەن بيزنەسٸن تيٸمدٸ ەرٸ پايدالى دەرەجەگە كٶتەرۋگە سەپتٸگٸن تيگٸزەدٸ.
تۇتىنۋشىلار قىزمەتٸنە سالماق سالمايتىن جولدى كٶرسەتە وتىرىپ, «قازپوشتانىڭ» اۋىلداعى پوشتا قىزمەتٸندە جينالعان شىعىندارىنىڭ بٸر بٶلٸگٸن جاباتىن سۋبسيدييانىڭ قاجەتتٸلٸگٸن بٸز ٷكٸمەتكە دەلەلدەدٸك.
– تاعى بٸر مەسەلە, اۋىلداعى پوشتا قىزمەتكەرلەرٸنٸڭ جالاقىسى. بٸر سٶزٸڭٸزدە 2014 جىلى كومپانييا 2,5 ميلليارد تەڭگە پايدا تاۋىپ, ونىڭ 2,2 ميلليارد تەڭگەسٸن كومپانييانىڭ ٶندٸرٸستٸك قىزمەتٸندەگٸ جۇمىسشىلاردىڭ جالاقىسىن كٶتەرۋگە جۇمساعاندارىڭىزدى ايتىپسىز. جالاقىسى كٶتەرٸلسە, «قازپوشتاعا» تۇتىنۋشىلارى تاراپىنان تٷسەتٸن شاعىم نەگە ازايماي وتىر?
– بۇل جەردە مەسەلە قىزمەتكەرلەردٸڭ بٸلٸكتٸلٸگٸندە بولىپ تۇر. بٸزدەگٸ پروبلەمالاردىڭ بٸرٸ دە – وسى. ياعني, قىزمەتكەرلەردٸ كوملەكستٸ تٷردە وقىتۋ جوق. ايماقتارداعى پوشتا جٷيەسٸ ٷلكەن. بارشا قىزمەتكەرلەردٸ جيناپ ەكەلٸپ, بٸر سەتتە وقىتىپ شىعۋ مٷمكٸن ەمەس. بۇلاي ٸستەۋ بٸرٸنشٸدەن, شىعىن بولسا, ەكٸنشٸدەن جۇمىس ٶندٸرٸسٸ ٷزٸلەدٸ. بٸراق, سولاي ەكەن دەپ قاراپ وتىرعان جوقپىز. الىستان وقىتۋ باعدارلاماسىن جاساپ جاتىرمىز. جەكەلەگەن ٶڭٸرلەردەگٸ قىزمەتكەرلەردٸ باس كەڭسەگە دە ناقتىلى وقىتىپ, ايماقتارعا شىعىپ كٷندەلٸكتٸ اقپاراتتاندىرۋمەن قاتار ادامداردى دا ٷيرەتٸپ كەلەمٸز.
ونىڭ ٷستٸنە جوعارىدا ايتقانىمىزداي, ورتالىق اپپاراتتا ايماقتاردان كەلٸپ تٷسەتٸن اقپاراتتاردى زەرتتەپ, تالداۋدا سيتۋاتسييالىق ورتالىق جاقسى جۇمىس ٸستەپ تۇر. قىزمەتكەرلەر ەكراننان «باعدارشام» نەگٸزٸندە ياعني, جاسىل, سارى, قىزىل تٷستەرمەن ەلدەگٸ پوشتا جٷيەسٸنٸڭ جۇمىسىن باقىلاپ وتىرادى. بۇل جٷيە ەلدەگٸ كٶپتەگەن بٶلٸمشەلەردە جۇمىس ٸستەپ تۇر. سونىڭ ارقاسىندا باس كەڭسەدەگٸ قىزمەتكەرلەر مونيتوردان كەزەكتٸڭ تىم كٶبەيگەنٸن بايقاسا, سول بٶلٸمشەگە دەرەۋ حابارلاسىپ, مەسەلەنٸ شەشەدٸ. بۇل دەگەنٸڭٸز, جاعدايدا تەك قانا فيليال باسشىلارى عانا شەشٸپ قويمايدى, سونىمەن بٸرگە ورتالىق كەڭسەدەن بٸز دە باقىلاپ, بٸردەن ٸسكە كٸرٸسەمٸز.
جالپى, 2015 جىلدىڭ 4 توقسانىمەن سالىستىرعاندا, 2016 جىلدىڭ 1 توقسانىندا «قازپوشتا» اق-نا تٷسەتٸن شاعىمدار 32,5% ازايدى. كەلٸپ تٷسكەن بارلىق شاعىمدار (بايلانىس ورتالىعى, شاعىمدار سايتى, كومپانييانىڭ كورپوراتيۆتٸ پاراقشاسى, ەلەۋمەتتٸك جەلٸدەگٸ پاراقشالار) 2-3 ساعاتتىڭ ٸشٸندە قارالادى. بۇل از دەسەڭٸز, شاعىمداردىڭ مازمۇنىنا قاراي ونى شەشۋدٸڭ نەمەسە سەبەبٸن انىقتاۋ كٷنبە-كٷن جٷزەگە اسادى.
– اۋىلداعى پوشتا قىزمەتكەرٸنٸڭ ايلىق جالاقىسى شامامەن قانشا بولادى? جالپى, پوشتا قىزمەتكەرلەرٸنٸڭ جالاقىسى مەن قىزمەت ساپاسىنىڭ بايلانىسى بار ما? ەلدە مەسەلە باسقادا ما?
– اۋىلداعى پوشتا قىزمەتكەرلەرٸنٸڭ جالاقى مەسەلەسٸنە كەلسەك, قازٸر ورتاشا ەڭبەكاقى – 44 563 تەڭگە. جالاقىدا ەلٸ دە ٶزگەرٸستەر بولادى. ول ەكٸگە بٶلٸنەدٸ: ٷنەمٸ تٷسٸپ وتىراتىن بٶلٸگٸ جەنە اۋىسپالى بٶلٸگٸ بولادى. اۋىسپالى بٶلٸگٸ – جاساعان وپەراتسييالار مەن ناقتى ماقساتقا جەتۋٸنە قاراي باعالانادى. «قازپوشتا» قىزمەتكەرلەرٸنٸڭ جالاقىسى 2014 جىلى ەكٸ رەت ٶستٸ: 1 قاڭتاردان باستاپ 7%, 1 سەۋٸردەن 10% قوسىلدى.
ەرينە, ىنتالاندىرۋ باعدارلاماسى پوشتا قىزمەتكەرٸنٸڭ ستاندارتىنا ەسەر ەتەتٸن قىزمەت كٶرسەتۋ ساپاسىنا ارنالعان. بٸزدٸڭ سالادا قاتەلٸكسٸز بولمايدى. دەگەنمەن, مۇنداي قولداۋ اۋىلدىق پوشتا قىزمەتكەرٸنٸڭ جۇمىسقا قاتىناسىن ٶزگەرتەدٸ. قازٸرگٸ كەزدە فيليال قىزمەتكەرلەرٸنە تۇراقتى ايلىقتان بٶلەك, پوشتالىق, قارجىلىق, اگەنتتٸك جەنە باسقا دا قىزمەتتەرٸ ٷشٸن قوسىمشا سىياقى تٶلەنەدٸ. مىسالى, بٸزدە تەمٸرجول بيلەتتەرٸن ساتۋ جاقسى دامىپ كەلەدٸ. بۇل اۋىل ادامدارىنا ٶتە ىڭعايلى. (پوشتا بٶلٸمشەسٸنە كەلەدٸ – اقشاسىن الادى – كوممۋنالدىق تٶلەمدەرٸن تٶلەيدٸ – بيلەت الادى جەنە ت.ب). پوشتا تاسۋشىلارعا ايلىقتان بٶلەك, ەسەپشوت تٷبٸرتەگٸن, زەينەتاقى تٷبٸرتەگٸن جەتكٸزٸپ بەرگەنٸ ٷشٸن قوسىمشا سىياقى بەرٸلەدٸ. جەنە دە كومپانييا قوسىمشا سىياقى تٶلەنەتٸن قىزمەت تٷرلەرٸن كٶبەيتۋ باعىتىندا جۇمىس ٸستەۋدە. مەسەلەن, 2015 جىلدىڭ قورىتىندىسى بويىنشا, فيليال قىزمەتكەرلەرٸنە ىنتالاندىرۋ ماقساتىندا تٶمەندەگٸدەي تٶلەمدەر بەرٸلدٸ:
– فيليال قىزمەتكەرلەرٸنٸڭ اعىمدىق سىياقىسى – 1 295 952 000 تەڭگە;
– بٸر رەتتٸك سىياقى – 930 816 000 تەڭگە;
– مەرەيتويلارعا وراي بٸر رەتتٸك ىنتالاندىرۋ – 54 901 000 تەڭگە;
– ايلىققا كوميسسييالىق سىياقى – 125 028 000 تەڭگە
(اۋىلدىق وپەراتور قابىلداپ العان سەلەمدەمەنٸڭ سوماسىنان +50% ايلىعىنا قوسىپ السا, قالالىق وپەراتورلار نورماسىن ورىنداعاننان كەيٸنگٸ ەربٸر سەلەمدەمەدەن +30 تەڭگە جالاقىسىنا قوسىلادى).
جۇمىس ساپاسى مەن كەسٸبي دەڭگەيدٸ ارتتىرۋ ماقساتىندا ەرٸ قىزمەتكەرلەردٸڭ ماتەريالدىق مەسەلەسٸن جاقسارتۋ ٷشٸن (ەڭبەكاقى تٶلەۋگە ارنالعان شىعىندار شەگٸندە) ىندالاندىرۋ ٷشٸن «قۇرمەتتٸ بايلانىسشى» جەنە «Yزدiك بايلانىسشى» قۇرمەتٸ اتاعى بار قىزمەتكەرلەردٸڭ بەلگٸلەنگەن ايلىق جالاقىسىنا – 10%, كەسٸبي شەبەرلٸگٸ ٷشٸن بەلگٸلەنگەن ايلىق جالاقىسىنا – 50% ٷستەمە قوسىلادى.
سونداي-اق, ىنتالاندىرۋ ماقساتىندا پوشتاشىلارعا حالىقارالىق ٷلگٸدەگٸ فورما, سٶمكە, سمارتفوندار بەرٸلدٸ. وپەراتورلار بونۋستىق جٷيەگە كٶشتٸ. بۇل اقشالاي ەكۆيۆالەنت ٶزٸنٸڭ كومپانيياعا قوسقان ٷلەسٸن كٶرٸپ وتىرۋعا مٷمكٸندٸك بەرەدٸ.
– سوڭعى جىلدارى «قازپوشتا» تٶڭٸرەگٸندە بولعان ەڭگٸمەلەردٸڭ نەگٸزگٸ تاقىرىبى – پوستاماتتار. بيىلعى جىلى قانشا پوستاماتتار ورناتۋ جوسپارلانۋدا. بۇعان كومپانييا قانشا قارجى شىعىندايدى?
– بٷگٸنگٸ كٷنٸ بۇل جٷيە بارلىق وبلىس ورتالىقتارىن قامتىعان 105 پوستاماتتار تۇرادى. 2016 جىلدىڭ بٸرٸنشٸ توقسانىندا پوستاماتتار ارقىلى 44 مىڭ سەلەمدەمە بەرٸلدٸ. سالىستىرمالى تٷردە ايتساق, 2015 جىلى نەبەرٸ 29 995 سەلەمدەمە ٶز يەسٸنە جەتكٸزٸلگەن ەدٸ.
2016 جىلى قۇنى 112 ميلليون 23 پوستاماتتى وتاندىق ٶندٸرۋشٸدەن ساتىپ الۋ جوسپارلانۋدا. جالپى, پوستاماتتار مەسەلەسٸندە مىنانى تٷسٸنگەنٸم جٶن: بۇل بٸز ٷشٸن الىستان قىزمەت كٶرسەتۋ جٷيەسٸ. جەنە بۇل جٷيە ينتەرنەت ارقىلى ساتىپ الۋ جاسايتىن جاستار اراسىنداعى تانىمال بولىپ كەلەدٸ.
–2014 جىلى 27 شٸلدەدە «قازپوشتا» اق بيزنەسٸنە ترانسفورماتسييا جاساۋ باعدارلاماسى قابىلداندى. بۇل باعدارلامانىڭ العاشقى ماقساتى – كومپانييانىڭ قىزمەتكەر, پروتسەستەر, تەحنولوگييا باعىتىن باسقا تٷرگە اۋىستىرۋ جەنە ٶزگەرتۋ بولدى. بيزنەس-پروتسەستەردٸ وڭتايلاندىرۋ اياسىندا 400 ەكٸمشٸلٸك قىزمەتكەر قىسقارتىلدى (ياعني باستىقتار ازايدى). ىنتالاندىرۋدى ٶسٸرۋ ٷشٸن اۋىلداعى, قالاداعى ٶندٸرٸستٸك قىزمەتكەرلەرگە ٷستەمە جاسالدى. وسى جىلدىڭ اياعىنا دەيٸن بٸز ٶز وقۋ ورتالىعىمىزدى قۇرامىز. سونىڭ ارقاسىندا 2017 جىلدان باستاپ, بارلىق قىزمەتكەرلەردٸ الىستان وقىتۋ مٷمكٸندٸك الامىز.
سونداي-اق, ترانسفورماتسييا باعدارلاماسىنىڭ اياسىندا كومپانييانىڭ بٸر جەتٸستٸگٸ – ٶزگەرٸستەر ۋاقىتىندا دامۋ مەن ٸلگەرٸلەۋدٸ قامتاماسىز ەتەتٸن قىسقا مەرزٸمدٸ جوبالارعا ارنالعان – «لەزدٸك جەڭٸس» جوباسى. «لەزدٸك جەڭٸس» جوباسىنىڭ ارقاسىندا كومپانييادا سيتۋاتسييالىق ورتالىق قۇرىلدى; ەلەكتروندى كەزەك قويىلدى; پوشتا بٶلٸمشەلەرٸ جاڭارتىلدى; اۆتوماتتاندىرىلعان سۇرىپتاۋ ماشينالارى ٸسكە قوسىلدى; پوستاماتتار مەن جاڭا پوشتا يندەكستەرٸ پايدا بولدى; پوشتالىق سەلەمدەمەنٸڭ جەتكٸزٸلۋٸ تۋرالى سمس حابارلاما ٸسكە قوسىلدى; ترەكينگ ەنگٸزٸلٸپ, سونىڭ نەتيجەسٸندە تۇتىنۋشى ٶزٸنٸڭ پوشتا ارقىلى جٸبەرگەن زاتتارى تۋرالى تولىق مەلٸمەت الىپ وتىرادى; گيبريدتٸ ەلەكتروندى پوشتا ٸسكە قوسىلىپ, قاعاز تولتىرۋ ازايدى; «Salem, Tenge!» اقشا اۋدارىمى; «Salem, Online!», Print2card اقشالاي تٶلەم جاساۋ جەنە تاعى باسقا جاڭا ٸستەر ٸسكە استى.
– بۇل باعدارلاماعا جەنە جالپى كومپانييا قىزمەتٸنە ەكونوميكالىق داعدارىس قانشالىقتى ەسەر ەتٸپ جاتىر?
– سوڭعى 9-10 اي بەدەرٸندەگٸ شەتەل ۆاليۋتاسىنىڭ ۇلتتىق ۆاليۋتاعا قاتىستى ٶزگەرٸسٸ كومپانييانىڭ قارجىلىق-ەكونوميكالىق احۋالىنا ەسەر ەتپەي قويمايدى. جەرگٸلٸكتٸ جەردەگٸ جۇمىستار مەن قىزمەتتەردٸ ۇستاۋ شىعىنىمەن قاتار, شىعىندار قۇرىلىمىندا شەتەلدٸك جۇمىستار مەن قىزمەت تٷرلەرٸ دە بار. سوندىقتان, شەتەلدٸك جۇمىستار مەن قىزمەت تٷرلەرٸنٸڭ ٶزٸندٸك قۇنى ٶسكەنٸ راس. الايدا, شىعىنداردىڭ 60% ەڭبەكاقى قورى.
– تۇتىنۋشىلارعا كومپانييانىڭ الداعى جوسپارلارى جايلى ايتىپ بەرسەڭٸز.
– ەرينە, تۇتىنۋشىلارعا كومپانييانىڭ الداعى جوسپارى تۋرالى قۋانا-قۋانا بٶلٸسەمٸن. سەبەبٸ, تۇتىنۋشىلار – كومپانييامىزدىڭ تٸرەگٸ. سونىمەن جوسپارعا كەلسەك, الداعى ۋاقىتتا اگەنتتٸك قىزمەتٸن دامىتۋ نەگٸزگٸ باعىتتارىمىزدىڭ بٸرٸ. جوعارى ايتقانىمداي, اۋىل تۇرعىندارى قازٸردٸڭ ٶزٸندە پوشتا بٶلٸمشەلەرٸنەن تەمٸرجول بيلەتتەرٸن الا الادى. ەندٸ جاقىندا اۆيابيلەتتەردٸ دە ساتا باستايمىز. سونىمەن بٸرگە, بانكتەردٸڭ نەسيە بەرۋ, دەپوزيت اشۋ قىزمەتتەرٸن دە قوسامىز. ناقتىراق ايتساق, اۋىل ادامدارىنا نەسيە الۋ ٷشٸن نەمەسە دەپوزيتٸن تولىقتىرۋ ٷشٸن مٸندەتتٸ تٷردە قالاعا بارىپ, ەۋرە بولمايتىنداي جاعداي جاساعىمىز كەلەدٸ. ياعني بٸز بانك قىزمەتتەرٸنٸڭ سٶرەسٸ بولامىز. تاعى بٸر جاڭالىق – شالعاي اۋىلدارداعى پوشتا بٶلٸمشەلەرٸندە ٷكٸمەتپەن بٸرلەسكەن جۇمىس اياسىندا ينتەرنەت قوسىلدى. بۇل قيىرداعى اۋىل تۇرعىندارىنا تەگٸن ينتەرنەت پايدالانۋعا مٷمكٸندٸك بەرەدٸ. بٸزدٸڭ ماقساتىمىز – ەلٸمٸزدەگٸ بارلىق بٶلٸمشەلەر ارقىلى كەز كەلگەن قىزمەت تٷرٸن تۇتىنۋشىعا جەتكٸزۋ.
ٶزدەرٸڭٸز بٸلەتٸندەي, جاڭاشىلدىققا جىلدام ٸلەسەتٸن تۇتىنۋشىلارىمىز ٷشٸن اقش-تىڭ ينتەرنەت-دٷكەندەرٸ جەلٸسٸنەن جٷكتەردٸ پوشتا ارقىلى جەتكٸزۋ قىزمەتٸن قوستىق. ول ەدەپكٸ قالىپتى ٸشكٸ نارىققا ارنالعان. الايدا, ەندٸ ەربٸر قازاقستاندىق كەز كەلگەن تاۋارعا www.vpost.kz پورتالى ارقىلى تاپسىرىس بەرە الادى.
بٸزدٸڭ كەلەسٸ ٸرٸ جوبامىز – Postmarket.kz. بۇل – ساۋداگەرلەرگە ارنالعان ونلاين-پلاتفورما. وندا ولار تاۋارلارىن شىعارىپ, ساتا الادى. بٸز بۇل سەگمەنتە ٷلكەن مٷمكٸندٸگٸن كٶرٸپ وتىرمىز. وسىنداي جولمەن اۋىل مەن قالانى بٸرٸكتٸرگٸمٸز كەلەدٸ. اۋىل ادامدارى بٸزدٸڭ پلاتفورما ارقىلى ٶز ٶنٸمدەرٸن قالاعا ساتادى. بٸز اۋىل تۇرعىندارىنا: «بٸزدٸڭ بٶلٸمشەلەرگە كەلٸڭٸز, بٸز پورتالدا ٶنٸمٸزدٸ قويامىز, قالالىقتار ونىڭ ٸشٸنەن بٸر نەرسە ساتىپ الۋى مٷمكٸن. ال, لوگيستيكا مەسەلەسٸن ٶزٸمٸز قامتاماسىز ەتەمٸز». ياعني, اۋىل تۇرعىندارى مەن قالالىقتاردى بٸر جەردە توقايلاستىرعىمىز كەلەدٸ. بٸز بۇدان قازاقستاندىق ينتەرنەت ساۋدا نارىعىنىڭ ٷلكەن مٷمكٸندٸگٸ مەن يدەياسىن كٶرٸپ وتىرمىز.
تاعى بٸر نەگٸزگٸ ەرٸ ٶتە ٸرٸ جوبالاردىڭ بٸرٸ – Post.kz. بۇل – كٶپتەگەن قارجىلىق جەنە پوشتا قىزمەتتەرٸنٸڭ شىعارىلعان پورتال. بۇل – ونلاين حات جٸبەرۋ, حاتتى قايتا جٸبەرۋ, كوممۋنالدىق تٶلەم جاساۋ, بالانىس تولتىرۋ جەنە ايىپپۇلداردى تٶلەۋ. قازٸرگٸ كەزدە بٸزدٸڭ كوماندا پورتالدى جاڭا قىزمەتتەرمەن تولىقتىرۋ ٷستٸندە. بٸز پورتالدى «قازپوشتانىڭ» ونلاين بٶلٸمشەسٸ رەتٸندە قاراستىرىپ وتىرمىز. مۇنداعى ماقسات – تۇتىنۋشى بٶلٸمشەلەردەن الاتىن قىزمەتتٸڭ بارلىق تٷرٸن پورتالعا كٸرٸپ, ونلاين رەجيمٸندە الاتىن جاعداي جاساۋ. بٸز ٶز قىزمەتٸمٸزدٸ بارىنشا اۆتوماتتاندىرىپ, سونىڭ نەتيجەسٸندە تۇتىنۋشى بٶلٸمشەگە بارماي-اق, قىزمەت تٷرلەرٸن پايدالانا الاتىنداي جاساۋ.
كومپانييانىڭ قازٸرگٸ جوسپارىندا «Direct Mail» ياعني, جارناما ماتەريالدارىن ناقتى جەتكٸزۋ قىزمەتٸن قوسۋ بار. (مىسالى, پيتستسەرييا نەمەسە مەيرامحانا يەسٸ ٶزٸ قالاعان اۋدان بويىنشا بٸزگە جارناما ماتەريالدارىن تاراتۋعا تاپسىرىس بەرە الادى).
سونىمەن بٸرگە, قارجىلىق قىزمەتتەرٸ دامىتۋ اياسىندا كومپانييانىڭ ٶز قارجىلىق قىزمەتٸن دامىتۋدا ويىمىزدا بار. جەنە قازاقستانداعى ەلەكتروندى ساۋدا جٷيەسٸنٸڭ دامۋىن نازاردا ۇستاي وتىرىپ, اگەنتتٸك ٶنٸمدەرٸندە دامىتۋدى دا جوسپارلاپ وتىرمىز.
بۇل بٸزدٸڭ ويعا العان ٸسٸمٸزدٸڭ جارتىسى جەنە ورىندالعانى. «كٶش جٷرە تٷزەلەدٸ» دەگەندەي, جوسپارلاردىڭ بەرٸ دە كومپانييانىڭ العا جىلجۋىنا ەسەر ەتەدٸ.
– ۋاقىت بٶلٸپ, اشىق ەرٸ بٷكپەسٸز ەڭگٸمەلەسكەنٸڭٸز ٷشٸن راقمەت!
نۇرلان ەۋبەكٸر
