ۇيدەگى ۇلكەندەر دارىگەرلەردى قۇراق ۇشىپ قارسى السا، قاريانىڭ نەمەرەلەرى ءبىزدى كورىپ قورىقىنىشتارىن جاسىرا الماي الەك بولادى. ەسىكتىڭ الدىندا:
– ءبىر نارسە كەرەك پە؟ – دەپ كەلىندەرى بايەك بولادى.
– اپامنىڭ جاعدايى قالاي، نە بولىپ جاتىر؟ – دەپ بالالارى جۇرەدى. بارلىعى شاۋىپ جۇرگەنىن كورگەندە قاريالار ناقىشىن كەلتىرىپ تۇرىپ اۋىرادى. ءبارى جاراسىمدى. جانىڭ جادىراپ شىعادى.
ال ەندى ورىس كەمپىر-شالىنىڭ ۇيىنە بارعاندا مۇنداي وتباسىلىق قۋانىشتىڭ نىشانىن بايقايمايسىڭ.
جالعىزدىقتان قاجىعان، كوڭىلدەرى قۇلازىعان قاريالار الدىڭنان شىعادى.
ۇيىندەگى قابىرعادا ءىلۋلى تۇرعان كىلەم جانە قوڭىر شكافتاردان جارىق جانىپ تۇرسا دا، تۇنەرىپ تۇرادى. كۇلىمسىگەن ءيىس، كەيبىر ۇيدە ءيتتىڭ ساسىق ءيىسى قولقانى بىتەپ تاستايدى. كوڭىلىڭ قۇلازىپ، يىستەن باسىڭ اۋىرىپ، بالالارى ءۇشىن قيىندىقتىڭ بارلىعىنا شىداپ، قارتايعان شاعىندا جالعىز قالعان كەمپىر-شالدى اياپ ۇيدەن شىعۋشى ەدىك.
جانە دە ءبىر عانا ۇيمەن وسىنى جازىپ وتىرعان جوقپىن. 90% جاعداي وسى.
ادىلبەك نۇرىمبەتوۆ
