Úıdegi úlkender dárigerlerdi quraq ushyp qarsy alsa, qarıanyń nemereleri bizdi kórip qoryqynyshtaryn jasyra almaı álek bolady. Esiktiń aldynda:
– Bir nárse kerek pe? – dep kelinderi báıek bolady.
– Apamnyń jaǵdaıy qalaı, ne bolyp jatyr? – dep balalary júredi. Barlyǵy shaýyp júrgenin kórgende qarıalar naqyshyn keltirip turyp aýyrady. Bári jarasymdy. Janyń jadyrap shyǵady.
Al endi orys kempir-shalynyń úıine barǵanda mundaı otbasylyq qýanyshtyń nyshanyn baıqaımaısyń.
Jalǵyzdyqtan qajyǵan, kóńilderi qulazyǵan qarıalar aldyńnan shyǵady.
Úıindegi qabyrǵada ilýli turǵan kilem jáne qońyr shkaftardan jaryq janyp tursa da, túnerip turady. Kúlimsigen ıis, keıbir úıde ıttiń sasyq ıisi qolqany bitep tastaıdy. Kóńiliń qulazyp, ıisten basyń aýyryp, balalary úshin qıyndyqtyń barlyǵyna shydap, qartaıǵan shaǵynda jalǵyz qalǵan kempir-shaldy aıap úıden shyǵýshy edik.
Jáne de bir ǵana úımen osyny jazyp otyrǵan joqpyn. 90% jaǵdaı osy.
Ádilbek Nurymbetov
