بۇل تۋرالى كتك حابارلاپ وتىر.
نۇرتاي سابيليانوۆ, مەجٸلٸس دەپۋتاتى:
-قالاي اۋدارادى, قالاي ٸستەيدٸ ول ٶزدەرٸنە بايلانىستى بولۋ كەرەك دەپ ويلايمىن! قارجىنى تابۋ كەرەك! ٶيتكەنٸ بٸزدە مەملەكەتتٸك تٸلٸ-قازاق تٸلٸ! ول مٸندەتتٸ تٷردە اۋدارىلۋى كەرەك! دۋبلياج جاساۋدى سول 2012-شٸ جىلدان باستاپ ەنگٸزگەن كەزدە, كٶبٸ قارسى بولاتىن وسىعان.
قازٸر دە قارسى! نۇرتاي سەبيليانوۆتىڭ سٶزدەرٸ تٸل جاناشىرلارىنا جاققانىمەن, كينوپروكاتشىلارعا جاقپاي قالدى. ٶيتكەنٸ, سىرتتان كەلەتٸن فيلمدەردٸ قازاقشا سٶيلەتۋ قالادا تيٸمسٸز ەكەن. ال كينوتەاتر ٸشٸ تولماعان سوڭ, ولاردى تەرجٸمالاۋدىڭ دا قاجەتٸ جوق دەيدٸ.
ۆاديم گولەنكو, كينوپروكاتشى:
-بۇل العا دەپ ۇرانداتا بەرەتٸن پاتريوتتاردىڭ ەلەگٸ. قازاقشا قاجەت دەگەنٸمەن, ونىڭ قيىندىقتارىن ايتىپ تاۋىسۋ مٷمكٸن ەمەس. بٸر كينونى دۋبلياجداۋ ٷشٸن ميلليونداعان قارجى جۇمسالادى,داۋىس سوناۋ لوندوندا جازىلادى. ال ونداي كينولاردىڭ كٶرەرمەنٸ جوق. سوندىقتان, بۇل بارىپ تۇرعان شىعىن.
كينوپروكاتشىلار گولليۆۋد فيلمدەرٸنە قازاقشا سۋبتيتردٸ دە جولاتقىسى جوق. ايتۋلارىنشا, اعىلشىن تٸلٸنەن اۋدارعاندا قازاقتىڭ سٶزٸ كٶبەيٸپ كەتەتٸن كٶرٸنەدٸ. ەرٸ ونى دىبىستايتىن اكتەرلەر دە تىم كٶپ اقى سۇرايدى ەكەن. وسىلاي دەپ سان سىلتاۋدى العا تارتقاندار تٷپتەپ كەلگەندە تەرجٸمالاۋ ٷشٸن مەملەكەتتەن تەڭگە سۇراپ وتىر. بۇل قازاق تٸلٸنە اۋدارىلعان ٸلۋدە بٸر فيلم عانا. ونىڭ ٶزٸندە «مالەفيسەنتا» ەرتەگٸسٸ مەملەكەتتٸك ەسەبٸنەن تەرجٸمالانعان. مۇنداي تۋىندىلار كينوسىنشىلارعا دا ۇناپ وتىر. بٸراق, قازاق كينوسىنا دا قولداۋ بولسا ەكەن دەيدٸ.
گٷلنار ەبٸكەەۆا, كينوتانۋشى:
-وسىنداي قۇلشىنىسپەن دەپۋتاتتار قازاق كينوسىن قولداسا عوي. وتاندىق كارتينالاردى پروكاتقا كٶبٸرەك شىعارىپ, ولاردى قارجىلاندىرىپ, سوندا قازاق تٸلدٸ كارتينالار ٶركەندەر ەدٸ. مەملەكەتتٸك تٸلدٸڭ دە مەرەيٸ ٷستەم بولار ەدٸ.
تانىمال كينوسىنشىنىڭ ايتۋىنشا ەلٸمٸزدە جىلدا قازاق تٸلٸندە 20 شاقتى كينو تٷسٸرٸلەدٸ ەكەن. بٸراق بٸردە-بٸرەۋٸ قولداۋ تاپپاي, سول كٷيٸ كينوپروكاتقا شىقپاي قالادى. ال مەسەلەن, فرانتسييادا كەرٸسٸنشە. فرانتسۋز تٸلٸندەگٸلەرٸنەن باسقاسى مٷلدە كٶرسەتٸلمەيدٸ.
راشيد نۇعمانوۆ, رەجيسسيور:
-فرانتسييادا ەگەر فيلم فرانتسۋز تٸلٸندە بولماسا, وندا ول مٷلدەم كٶرسەتٸلمەيدٸ. سوندىقتان, كينونى كٶرسەتكٸسٸ كەلگەندەر ونى ٷنەمٸ سۋبتيترگە اۋدارىپ وتىرادى.
شەتەل تۋىندىلارىن قازاقشالاۋ تۋرالى زاڭ وسىدان تٶرت جىل بۇرىن دا قابىلدانعان. بٸراق, ول كەزدە ەشكٸم دە پىسقىرىپ قارامادى. الايدا بۇل جولى دەپۋتاتتار كينوپروكاتقا شىنداپ كٸرٸسكەلٸ وتىر.
بەكبولات تٸلەۋحان, مەجٸلٸس دەپۋتاتى:
- جوق ,ونى سۋبتيترعا بەرەسٸز, بٸراق كٷندٸزگٸ ۋاقىتقا قويىپ قويادى. ونى بىلايشا ايتقاندا يت جۇلىمىن شىعارايىن دەپ وتىر عوي.
قازاقستاندا جىلىنا 260 كينو كٶرسەتٸلسە, سونىڭ تەك ون شاقتىسى قازاق تٸلٸندە ەكەن. بٸراق, زاڭعا ٶزگەرتۋلەر ەدەتتەدٸگەي ورتا جولدا قالماسا, بۇل جاعداي تٷبەگەيلٸ ٶزگەرەيٸن دەپ تۇر.
