قازاقتىڭ تەكتٸلٸگٸن, تاريحىن تانىتاتىن تٶل بەلگٸنٸڭ بٸرٸ جىلقى دەسەك, ۇلت رەتٸندە ەلەمدٸك ارەنادا ودان ەرٸ ۇلىقتالۋىمىز ٷشٸن جىلقىنىڭ برەندكە اينالۋى - كٶڭٸل قۇپتارلىق ٸس. سونىڭ ٸشٸندە اداي جىلقىسىنىڭ تەرەڭ تاريحى ونىڭ برەند بولۋىنا ەبدەن لايىق ەكەنٸن كٶرسەتەدٸ. 2 جىل بۇرىن ماڭعىستاۋ وبلىسىنا ساپارى بارىسىندا پرەزيدەنت قاسىم-جومارت توقاەۆ اداي جىلقىسىن دەربەس تۇقىم رەتٸندە تانۋدى تاپسىردى. وسى تاپسىرمادان كەيٸن بٸرقاتار زەرتتەۋ جۇمىسى جٷرگٸزٸلٸپ, تٸپتٸ مەملەكەتتٸك كوميسسييا دا قۇرىلدى. بٷگٸندە بۇل ٸستە ماڭىزدى نەتيجەلەر بار. وعان ٶڭٸردٸڭ قارييالارى دا دەن ريزا, - دەپ حابارلايدى Dalanews.kz. بيىل 2 جىل بۇرىن باستاۋ العان اقجولتاي حابار ٶز جالعاسىن تاۋىپ, "اداي جىلقىسى" برەندٸن پايدالانۋدىڭ ايرىقشا قۇقىعىن راستايتىن كۋەلٸك تابىستالدى. ەندٸ "اداي" تۇقىمدى قازاق جىلقىسىنىڭ ەرەكشە قاسيەتتەرٸ ەندٸ زاڭدى تٷردە بەكٸتٸلٸپ وتىر. وسى تۇستا ٶڭٸردٸڭ اۋىل شارۋاشىلىعى سالاسىنداعى ەڭبەك ارداگەرٸ دارجوك سەيباعىتوۆ تا يگٸ باستاماعا وراي العىسىن بٸلدٸردٸ.
"مەملەكەتٸمٸزدٸڭ باسشىسى قاسىم-جومارت كەمەلۇلى توقاەۆ مىرزا ماڭعىستاۋ حالقىمەن كەزدەسكەندە وسى ەڭگٸمەنٸ كٶتەردٸ. ول كٸسٸ جىلقىنى برەند قىلىپ, اسىل تۇقىمىن زاڭداستىرۋىمىز كەرەك دەيتٸن تاپسىرما بەردٸ. سونىڭ ارقاسىندا بٸر 2-3 جىلدىڭ ٸشٸندە شارۋا بٸتتٸ. كەشە حالىقتى جيناپ, وسىندا عالىمدار كەلٸپ, ٸستەگەن ٸستٸ, مەملەكەت باسشىسىنىڭ تاپسىرماسىن ورىنداعانىن جارييا ەتتٸ. بٸز سوعان رازىمىز جەنە راقمەت ايتامىز. قازاقتىڭ ارمانى ورىندالدى!" - دەيدٸ ول.[playlist type="video" ids="98728"] ايتا كەتەيٸك, اداي جىلقىسى - قازاق ٶتە ەرتەدەن سالت مٸنەتٸن جىلقى تۇقىمدارىنىڭ بٸرٸ. ونىڭ ەرەكشە قاسيەتٸ, تٶزٸمدٸلٸ جٶنٸندە ايتىلاتىن ەل ٸشٸندە اڭىز-ەڭگٸمە كٶپ. "قازاقتىڭ اداي جىلقىسى ارال-كاسپيي ويپاتىنىڭ اۋماعىندا جەرگٸلٸكتٸ جىلقى پوپۋلياتسيياسىنىڭ كٶپجىلدىق حالىق سەلەكتسيياسى نەگٸزٸندە قالىپتاستى. بۇل تۇقىمنىڭ جىلقىلارى جەرگٸلٸكتٸ قاتال تابيعي-كليماتتىق جاعدايلارعا جاقسى بەيٸمدەلگەن. سىرتقى ەرەكشەلٸكتەرگە ايرىقشا تٶزٸمدٸ جەنە كٷتٸپ-باپتاۋ جاعدايلارىنا تەز بەيٸمدەلەدٸ", - دەپ جازىلعان ماڭعىستاۋ وبلىسى ەكٸمدٸگٸ حابارلاماسىندا. سۋرەت: اقوردا, ماڭعىستاۋ وبلىسى ەكٸمدٸگٸنٸڭ باسپاسٶز قىزمەتٸ
