Qazaqtyń tektiligin, tarihyn tanytatyn tól belginiń biri jylqy desek, ult retinde álemdik arenada odan ári ulyqtalýymyz úshin jylqynyń brendke ainalýy - kóńil quptarlyq is. Sonyń ishinde Adai jylqysynyń tereń tarihy onyń brend bolýyna ábden laiyq ekenin kórsetedi. 2 jyl buryn Mańǵystaý oblysyna sapary barysynda Prezident Qasym-Jomart Toqaev adai jylqysyn derbes tuqym retinde tanýdy tapsyrdy. Osy tapsyrmadan keiin birqatar zertteý jumysy júrgizilip, tipti memlekettik komissiia da quryldy. Búginde bul iste mańyzdy nátijeler bar. Oǵan óńirdiń qariialary da dán riza, - dep habarlaidy Dalanews.kz. Biyl 2 jyl buryn bastaý alǵan aqjoltai habar óz jalǵasyn taýyp, "adai jylqysy" brendin paidalanýdyń airyqsha quqyǵyn rastaityn kýálik tabystaldy. Endi "adai" tuqymdy qazaq jylqysynyń erekshe qasietteri endi zańdy túrde bekitilip otyr. Osy tusta óńirdiń aýyl sharýashylyǵy salasyndaǵy eńbek ardageri Darjok Seibaǵytov ta igi bastamaǵa orai alǵysyn bildirdi.
"Memleketimizdiń basshysy Qasym-Jomart Kemeluly Toqaev myrza Mańǵystaý halqymen kezdeskende osy áńgimeni kóterdi. Ol kisi jylqyny brend qylyp, asyl tuqymyn zańdastyrýymyz kerek deitin tapsyrma berdi. Sonyń arqasynda bir 2-3 jyldyń ishinde sharýa bitti. Keshe halyqty jinap, osynda ǵalymdar kelip, istegen isti, Memleket basshysynyń tapsyrmasyn oryndaǵanyn jariia etti. Biz soǵan razymyz jáne raqmet aitamyz. Qazaqtyń armany oryndaldy!" - deidi ol.[playlist type="video" ids="98728"] Aita keteiik, Adai jylqysy - qazaq óte erteden salt minetin jylqy tuqymdarynyń biri. Onyń erekshe qasieti, tózimdili jóninde aitylatyn el ishinde ańyz-áńgime kóp. "Qazaqtyń adai jylqysy Aral-Kaspii oipatynyń aýmaǵynda jergilikti jylqy popýliatsiiasynyń kópjyldyq halyq selektsiiasy negizinde qalyptasty. Bul tuqymnyń jylqylary jergilikti qatal tabiǵi-klimattyq jaǵdailarǵa jaqsy beiimdelgen. Syrtqy erekshelikterge airyqsha tózimdi jáne kútip-baptaý jaǵdailaryna tez beiimdeledi", - dep jazylǵan Mańǵystaý oblysy ákimdigi habarlamasynda. Sýret: Aqorda, Mańǵystaý oblysy ákimdiginiń baspasóz qyzmeti
