4 جەنە 5 تامىزدا «قازاقتەلەكوم» اق-نىڭ ەكٸ قىزمەتكەرٸ ٶندٸرٸستەگٸ جازاتايىم وقيعالار سالدارىنان قازا تاپتى, دەپ حابارلايدى Dalanews Halyqstan Telegram-ارناسىنىڭ دەرەكتەرٸنە سٸلتەمە جاساپ.
اقپاراتقا سەيكەس, العاشقى وقيعا 4 تامىزدا جامبىل وبلىسى جامبىل اۋدانىنداعى اسا اۋىلىندا بولعان. بايلانىس باعانىن اۋىستىرۋ كەزٸندە كران-مانيپۋلياتور جوعارى كەرنەۋلٸ ەلەكتر جەلٸسٸنە تيٸپ كەتٸپ, 61 جاستاعى ەلەكترومونتەر ەرٸ مانيپۋلياتور جٷرگٸزۋشٸسٸ ازالحان تۇرسىنوۆتى توق سوققان. ول وقيعا ورنىندا كٶز جۇمعان.
دەرەككە قاراعاندا, اتالعان وقيعا بويىنشا سوتقا دەيٸنگٸ تەرگەۋ باستالعان. جۇمىستاردىڭ قاۋٸپسٸز ۇيىمداستىرىلۋىنا جاۋاپتى بولعان جامبىل جەلٸلٸك-تەحنيكالىق تسەحىنىڭ جەتەكشٸ ينجەنەرٸ پوليتسيياعا جەتكٸزٸلگەن. وقيعاعا بايلانىستى بٸرقاتار سوت ساراپتامالارى تاعايىندالعان.
Halyqstan مەلٸمەتٸنشە, ەكٸنشٸ جازاتايىم وقيعا 5 تامىزدا قوستاناي وبلىسى ەۋليەكٶل اۋدانىنداعى موسكالەۆكا كەنتٸندە تٸركەلگەن. 56 جاستاعى ەلەكترومونتەر مٷبەراك بەكتاۋوۆ ەسكٸ اعاش بايلانىس باعاندارىن بٶلشەكتەۋ جۇمىستارىنا قاتىسقان. جۇمىس بارىسىندا كراننىڭ ٸلگەگٸ ٷزٸلٸپ, قۇلاعان باعانا جۇمىسشىنىڭ باسىنا تٷسكەن. ول العان جاراقاتتارىنان وقيعا ورنىندا قازا تاپقان.
باسىلىمنىڭ جازۋىنشا, قىزمەتكەردٸڭ قازا بولعانىن قۇقىق قورعاۋ ورگاندارى مەن تٶتەنشە جاعدايلار قىزمەتٸ راستاعان.
