بۇل جٶنٸندە ٷكٸمەتتٸڭ تەلەگرام-ارناسى حابارلادى. مەملەكەتكە ٶتەتٸن بۇل اكتسييالار نازارباەۆتىڭ جاقىن تۋىسىنا تيەسٸلٸ بولعان.
قازاقستان بايلانىس سالاسىنىڭ مونوپوليسٸ - "قازاقتەلەكوم" اكتسييالارىنىڭ 24 پايىزدان استامى قايرات ساتىبالدى قۇرىلتايشىسى سانالاتىن Skyline Investment Company S.A. كومپانيياسىنا قاراعان. ەكس-پرەزيدەنت نۇرسۇلتان نازارباەۆتىڭ باۋىرىنىڭ بالاسى قايرات ساتىبالدى قازٸر قاماۋدا وتىر.
قاۋلىدا: "Skyline Investment Company S.A. جەكەمەنشٸك كومپانيياسىنىڭ "قازاقتەلەكوم" اكتسيونەرلٸك كومپانيياسىنىڭ 2 671 481 قاراپايىم اكتسيياسىن سىيعا تارتۋ كەلٸسٸم-شارتى نەگٸزٸندە مەملەكەت مەنشٸگٸنە قايتارۋ تۋرالى ۇسىنىسى ماقۇلدانسىن. بۇل – اكتسيونەرلٸك قوعامنىڭ جارعىلىق كاپيتالىنىڭ 24,95 پايىزى" دەلٸنگەن.
ٷكٸمەتتٸڭ حابارلاۋىنشا, Alatau Capital Investment كومپانيياسى دا سىيعا تارتۋ جولىمەن "قازاقتەلەكومداعى" 413 412 اكتسيياسىن مەملەكەت مەنشٸگٸنە ٶتكٸزۋدٸ ۇيعارعان.
اكتسييالار مەملەكەت مەنشٸگٸنە قانداي سەبەپپەن قايتارىلىپ جاتقانى تۋرالى ەشتەڭە ايتىلمايدى.
قايرات ساتىبالدى "قىزمەت بابىن اسىرا پايدالاندى" جەنە "قازاقتەلەكوم" اق قارجىسىن ٸرٸ كٶلەمدە ۇرلادى" دەگەن كٷدٸكپەن 13 ناۋرىزدا ۇستالىپ, تۇتقىندالعان. جەمقورلىقپەن كٷرەس قىزمەتٸ ساتىبالدى "مەملەكەت قاۋٸپسٸزدٸگٸنە قاتەر تٶندٸرەتٸن باسقا ٸستەر بويىنشا تەرگەلٸپ جاتقانىن" ايتتى.
2021 جىلعى زەرتتەۋٸندە ازاتتىق ليۋكسەمبۋرگتەگٸ LBR رەەسترٸ بويىنشا, قايرات ساتىبالدى Skyline Investment Company S.A. كومپانيياسىنىڭ جالعىز قۇرىلتايشىسى ەكەنٸن انىقتاعان. اشىق دەرەككٶزدەگٸ اقپاراتقا قاراعاندا, ساتىبالدى 2016 جىلى ٶزٸنٸڭ Alatau Capital Invest كومپانيياسى ارقىلى "قازاقتەلەكومنىڭ" 4 پايىزعا جەتپەيتٸن اكتسيياسىن ساتىپ العان.
4 سەۋٸردە قازاقستاننىڭ جەمقورلىقپەن كٷرەس اگەنتتٸگٸ ەكس-پرەزيدەنتتٸڭ نەمەرە ٸنٸسٸنە قارايتىن باسقا كومپانييالاردا دا اقشا ۇرلاۋ فاكتٸلەرٸ بولعان دەگەن مەلٸمدەمە جاسادى. بٸرنەشە كٷننەن سوڭ "بيزنەستٸ زاڭسىز تارتىپ الدى" دەگەن كٷدٸكپەن قايرات ساتىبالدىنىڭ بۇرىنعى ەيەلٸ گٷلميرا ساتىبالدى دا تۇتقىندالدى.
ٶتكەن ايدىڭ سوڭىندا جەمقورلىقپەن كٷرەس قىزمەتٸ گٷلميرا ساتىبالدى شىمكەنتتەگٸ جولاۋشى تاسىمالى جەنە اۆتوكٶلٸك جولدارى باسقارماسىنداعى شەنەۋنٸكتەرمەن جەنە "ارييا – جاڭا استانا" كومپانيياسى باسشىلارىمەن بٸرلەسٸپ, ورىندالماعان قۇرىلىس-مونتاج جۇمىستارى ٷشٸن تٶلەنگەن 1,5 ميلليون دوللاردى جىمقىردى دەگەندٸ ايتتى.
قاڭتار وقيعاسىنان سوڭ بۇرىنعى پرەزيدەنتتٸڭ وتباسى مٷشەلەرٸ مەن ونىڭ ماڭايىنداعى ادامدار جوعارى لاۋازىمدارىنان ايىرىلىپ, كەيبٸرەۋٸ تۇتقىندالدى. قامالعاندار اراسىندا نازارباەۆتاردىڭ قۇداسى, بيزنەسمەن قايرات بورانباەۆ بار. ونىڭ قىزى اليما نازارباەۆتىڭ جيەنٸ ايسۇلتاننىڭ ەيەلٸ بولعان (ايسۇلتان 2020 جىلى تامىزدا لوندونا قايتىس بولعان). بورانباەۆقا "كۆازيمەملەكەتتٸك سەكتوردا اسا ٸرٸ كٶلەمدە اقشا ۇرلادى" دەگەن ايىپ تاعىلدى. بٸر كەزدەرٸ ەكەسٸنٸڭ ورنىن باسۋى مٷمكٸن دەپ سانالعان ەكس-پرەزيدەنتتٸڭ ٷلكەن قىزى داريعا نازارباەۆا دەپۋتات قىزمەتٸن توقتاتىپ, ناۋرىز ايىندا مەجٸلٸستەن كەتتٸ.
