رەليزدە "توپتىڭ تابىسى 2023 جىلى 53،3 ملرد تەڭگەگە ۇلعايىپ، 687،8 ملرد تەڭگەنى قۇرادى (2022 جىلدىڭ قورىتىندىسى بويىنشا 634،5 ملرد تەڭگە). ءوسىم تىركەلگەن بايلانىس سەگمەنتىندە دە، ۇيالى بايلانىس سەگمەنتىندە دە كىرىستىڭ ءوسۋى ەسەبىنەن قامتاماسىز ەتىلدى. EBITDA كورسەتكىشى 4،3% جاقسارىپ، ونىڭ كىرىستىلىگى 43،3% قۇرادى. 2023 جىلعى تازا پايدا 104،4 ملرد تەڭگەگە جەتتى"، - دەپ جازىلعان.ءبىراق رەليز تەك ۆىرۋچكا مەن EBITDA تۋرالى ايتىپ، باسقا نەگىزگى كورسەتكىشتەر تۋرالى ءلام-ميم دەمەيدى. ۆىرۋچكانىڭ تاريفتىڭ قىمباتتاۋى ەسەبىنەن وسكەنى بەلگىلى. ول 8،4 پايىزعا ارتسا، 2023 جىلى ينفلياسيا 8،9% بولدى. جالپى كىرىستىڭ ءوسۋ ديناميكاسى سوندا ينفلياسيادان دا ارتتا قالىپ قويعان.
شىن مانىندە قازاقتەلەكوم تيىمدىلىگى ناشارلاپ بارادى. 2022 جىلى ۇلتتىق كومپانيا 128،75 ملرد تەڭگە تازا پايدا السا، 2023 جىلى 104،4 ملرد تەڭگە كورسەتتى. مينۋس 24 ميلليارد. ءجاي اكسياسىنىڭ بالانستىق قۇنى 35 752 تەڭگەدەن 28 860 تەڭگەگە قۇلدىرادى. اكتيۆتەر، جەكە كاپيتال، ۆىرۋچكا تيىمدىلىگى كورسەتكىشتەرى (ROA، ROE، ROS) جاپپاي قۇلاعان.
2022 جىلى ROA - 10،01%، ROE - 17،62%، ROS - 20،29% بولعان ەدى. 2023 جىلى قازاقتەلەكوم كوڭىل كونشىتەرلىك ناتيجە كورسەتپەگەن. ROA - 7،04%، ROE - 12،99%، ROS - 15،18% دەڭگەيىنە ءتۇسىپ كەتكەن.
