تۇركىستان وبلىسىنىڭ سارىاعاش اۋدانىندا قازاقستان مەن وزبەكستان شەكاراسىنداعى كەدەن بەكەتىنىڭ قىزمەتكەرلەرى وتباسىلارىمەن بىرگە تۇرىپ جاتقان «كەدەن قالاشىعى» ورنالاسقان. ەندى قازاقتەلەكوم سالعان جاڭا تالشىقتى بايلانىس جەلىسىنىڭ ارقاسىندا قالا تۇرعىندارى جىلدامدىعى جوعارى ينتەرنەتكە يە بولدى، دەپ حابارلايدى Dalanews.kz.
بۇرىن مۇنداعى بايلانىس ەسكىرگەن ADSL تەحنولوگياسى ارقىلى جۇمىس ىستەيتىن، ونىڭ قوسىلۋ جىلدامدىعى نەبارى 8 مبيت/س ەدى. تالشىقتى-وپتيكالىق جەلى سالىنعالى بەرى ينتەرنەت جىلدامدىعى تاڭدالعان تاريفتىك جوسپارعا سايكەس 500 مبيت/س دەيىن ءوستى.
ءقازىر اۋدان ورتالىعىنان 4 شاقىرىم جەردە ورنالاسقان كەدەن قالاشىعىندا 48 وتباسى تۇرادى. باراك ۇلگىسىندەگى ءار ۇيدە 4-5 پاتەر بار. اتس-تەن ۇيلەرگە دەيىن تاراتۋ جەلىسى ءبىر ايدا سالىندى. قازىرگى ۋاقىتتا ابونەنتتەر قوسىلۋدا.
«قازاقتەلەكوم «تازارتۋ» جوباسى اياسىندا كليەنتتەردى ەسكىرگەن مىس جەلىسىنەن تالشىققا اۋىستىرۋعا باعىتتالعان اۋقىمدى جۇمىس جۇرگىزۋدە. «مىستان» كەتۋدىڭ ماقساتى – سەرۆيس پەن قىزمەت ساپاسىن ارتتىرۋ. تالشىقتى-وپتيكالىق بايلانىس جەلىسى ابونەنتتەرگە Full-HD بەينەسىنىڭ ايقىندىلىعىمەن شاپشاڭ ينتەرنەتتەن سيفرلىق تەليەۆيزياعا دەيىنگى الۋان ءتۇرلى سيفرلىق قىزمەتتەرگە جول اشىپ، وتكىزۋ قابىلەتتىلىگىن ارتتىرا الادى»، – دەدى «قازاقتەلەكوم» اق «جەلى» ديۆيزيونى» بىرلەستىگىنىڭ قولجەتىمدىلىك جەلىسىن پايدالانۋ وڭتۇستىك قازاقستان دەپارتامەنتىنىڭ ديرەكتورى بەرىك توپەتوۆ.
بيىل «تازارتۋ» جوباسى بويىنشا تۇركىستان وبلىسىنىڭ سارىاعاش اۋدانىندا 600 ابونەنتتى، سونداي-اق قاپلانبەك جانە قىزىلجار اۋىلدارىندا 500-دەن استام ابونەنتتى «وپتيكامەن» قامتۋ جوسپارلانۋدا.
