Túrkistan oblysynyń Saryaǵash aýdanynda Qazaqstan men Ózbekstan shekarasyndaǵy keden beketiniń qyzmetkerleri otbasylarymen birge turyp jatqan «keden qalashyǵy» ornalasqan. Endi Qazaqtelekom salǵan jańa talshyqty bailanys jelisiniń arqasynda qala turǵyndary jyldamdyǵy joǵary internetke ie boldy, dep habarlaidy Dalanews.kz.
Buryn mundaǵy bailanys eskirgen ADSL tehnologiiasy arqyly jumys isteitin, onyń qosylý jyldamdyǵy nebári 8 Mbit/s edi. Talshyqty-optikalyq jeli salynǵaly beri internet jyldamdyǵy tańdalǵan tariftik josparǵa sáikes 500 Mbit/s deiin ósti.
Qazir aýdan ortalyǵynan 4 shaqyrym jerde ornalasqan keden qalashyǵynda 48 otbasy turady. Barak úlgisindegi ár úide 4-5 páter bar. ATS-ten úilerge deiin taratý jelisi bir aida salyndy. Qazirgi ýaqytta abonentter qosylýda.
«Qazaqtelekom «Tazartý» jobasy aiasynda klientterdi eskirgen mys jelisinen talshyqqa aýystyrýǵa baǵyttalǵan aýqymdy jumys júrgizýde. «Mystan» ketýdiń maqsaty – servis pen qyzmet sapasyn arttyrý. Talshyqty-optikalyq bailanys jelisi abonentterge Full-HD beinesiniń aiqyndylyǵymen shapshań internetten tsifrlyq televiziiaǵa deiingi alýan túrli tsifrlyq qyzmetterge jol ashyp, ótkizý qabilettiligin arttyra alady», – dedi «Qazaqtelekom» AQ «Jeli» diviziony» birlestiginiń qoljetimdilik jelisin paidalaný Ońtústik Qazaqstan departamentiniń direktory Berik Tópetov.
Biyl «Tazartý» jobasy boiynsha Túrkistan oblysynyń Saryaǵash aýdanynda 600 abonentti, sondai-aq Qaplanbek jáne Qyzyljar aýyldarynda 500-den astam abonentti «optikamen» qamtý josparlanýda.
