پرەزيدەنت قاسىم-جومارت توقاەۆ ەلەنا رىباكينامەن كەزدەستٸ, دەپ حابارلايدى dalanews.kz.
مەملەكەت باسشىسى قاسىم-جومارت توقاەۆ ەلەنا رىباكينانى اقش اشىق چەمپيوناتىنداعى جارقىن جەڭٸسٸمەن جەنە تەننيستەن ەلەمنٸڭ بٸرٸنشٸ راكەتكاسى مەرتەبەسٸنە يە بولۋىمەن قۇتتىقتادى. پرەزيدەنت تاريحي مەنٸ زور وسىناۋ تابىس وتاندىق سپورتتىڭ دامۋىنا ٶلشەۋسٸز ٷلەس قوسقانىن اتاپ ٶتتٸ.
"سٸزدٸڭ جەڭٸستەرٸڭٸزدەن كەيٸن بالالاردىڭ تەننيسكە قىزىعۋشىلىعى ارتىپ, سەكتسييالارعا كٶپتەپ جازىلادى. ولار دا چەمپيون بولعىسى كەلەدٸ. جاس ٶرەندەرگە ٶنەگە كٶرسەتٸپ وتىرسىز. بۇل – ٶتە وڭ ٷردٸس. ٶسكەلەڭ ۇرپاقتى سپورتقا باۋلۋ كەرەك, ٶيتكەنٸ بۇل ولاردىڭ كەلەشەگٸ ٷشٸن ٶتە ماڭىزدى. ٷش بٸردەي ٷلكەن دۋلىعا تۋرنيرٸندەگٸ جەڭٸسٸڭٸز تەننيس جىلناماسىنا ٶشپەستەي بولىپ جازىلدى. مۇنىمەن توقتاماي, الدا ەلٸ تالاي اسۋدى باعىندىراسىز دەپ سەنەمٸن", – دەدٸ مەملەكەت باسشىسى.
پرەزيدەنت ەلەنا رىباكينانىڭ ادامي قاسيەتتەرٸنە ايرىقشا توقتالدى.
"سٸز كورتتا دا, جۇرتشىلىق ورتاسىندا دا بايىپتىلىعىڭىزدى بايقاتاسىز. ٸشكٸ مەدەنيەتٸڭٸز جوعارى ەكەنٸن ٷنەمٸ ايتىپ جٷرەمٸن. قازاقستاندى سپورتقا, ەسٸرەسە, تەننيسكە قولداۋ كٶرسەتەتٸن ٶركەنيەتتٸ ەرٸ دامىعان مەملەكەت رەتٸندە تانىتۋ تۇرعىسىنان مۇنىڭ ماڭىزى ٶتە زور", – دەدٸ قاسىم-جومارت توقاەۆ.
ەلەنا رىباكينا مەملەكەت باسشىسىنا ٶزٸن ۇدايى قولداعانى, سونداي-اق, قازاقستاندا ٷلكەن تەننيس دامۋىنا ايرىقشا قامقورلىق كٶرسەتكەنٸ ٷشٸن شىنايى ريزاشىلىعىن بٸلدٸردٸ.
ەلەمنٸڭ بٸرٸنشٸ راكەتكاسى قازاقستان اتىنان ٶنەر كٶرسەتۋدٸ ماقتان تۇتاتىنىن مەلٸمدەدٸ. تەننيسشٸ الداعى ۋاقىتتا دا جوعارى نەتيجەگە قول جەتكٸزٸپ, جانكٷيەرلەرٸن جاڭا جەڭٸستەرمەن قۋانتا بەرۋگە نيەتتٸ.
پرەزيدەنت قاسىم-جومارت توقاەۆ سپورتتاعى ەرەن جەتٸستٸكتەرٸ جەنە قازاقستاندا تەننيستٸڭ دامۋى مەن ناسيحاتتالۋىنا قوسقان ٷلكەن ٷلەسٸ ٷشٸن ەلەنا رىباكينانى III دەرەجەلٸ "بارىس" وردەنٸمەن ماراپاتتادى.
