بٷگٸن استانا ۋاقىتىمەن ساعات 11:30-دا قازاقستان قور بيرجاسى (KASE) "قازاقتەلەكومنىڭ" ارتىقشىلىققا يە اكتسييالارىنىڭ باعاسى 52,71% - عا تٶمەندەپ, سوعان بايلانىستى ساۋدا-ساتتىق كٸلت توقتاتىلدى, دەپ حابارلايدى Dalanews.kz قور بيرجاسى ۇسىنعان اقپاراتقا سٸلتەمە جاساپ.
"قازاقتەلەكومنىڭ" اكتسييالارى "پرەميۋم" ساناتىنداعى KASE-نٸڭ باستى الاڭىندا ورنالاسقان.
"23 مامىردا جاسالعان باعالى قاعازدار ساۋدا-ساتتىعى بويىنشا سوڭعى مەمٸلەدە بٸر اكتسييا باعاسى 50 330,00 تەڭگەنٸ قۇراعان. ال 26 مامىردا 23 800,00 تەڭگە باعامەن جاسالعان مەمٸلە سوڭ ساۋدا-ساتتىق توقتاتىلدى", دەلٸنگەن حابارلامادا.
ساۋدا-ساتتىقتى توقتاتۋ ٸشكٸ ەرەجەلەرگە سٷيەنەدٸ, وعان سەيكەس ساۋدا-ساتتىق الدىڭعى ساۋدا كٷنٸ جابىلعان كەزدە قالىپتاسقان باعاعا قاتىستى اكتسييالاردىڭ قۇنى 30 پايىزعا نەمەسە ودان دا كٶپ تٶمەندەگەندە توقتاتىلۋى مٷمكٸن. بۇل جاعدايدا ساۋدا-ساتتىقتى توقتاتا تۇرۋ KASE ساۋدا جٷيەسٸندە اۆتوماتتى تٷردە جٷزەگە اسىرىلادى.
ايتا كەتسەك, 2025 جىلدىڭ 22 مامىرىندا KASE "قازاقتەلەكومنىڭ" جاي اكتسييالارى بويىنشا ساۋدا-ساتتىقتى كٸلت دوعارىپ, بۇل جايتتى باعانىڭ بٸر كٷن بۇرىنعىسىنان 31,5%-عا تٶمەندەۋٸمەن بايلانىستىردى.
"2025 جىلدىڭ 21 مامىرىندا جاسالعان كەلٸسٸمشارتتاردا اتالعان بٸر جاي اكتسييانىڭ قۇنى 58 400 تەڭگە بولعان, ال 22 مامىردا ساۋدا-ساتتىق توقتاتىلعان كەزدە جاسالىپ ٷلگەرٸلگەن مەمٸلەدە بٸر اكتسييا قۇنى شامامەن 39 999 تەڭگەنٸ قۇراعان. ول كەزدە دە ساۋدا-ساتتىقتى توقتاتۋعا تۋرا كەلگەن", دەلٸنگەن بيرجا حابارلاماسىندا.
2025 جىلعى 1 سەۋٸردەگٸ KASE دەرەكتەرٸ بويىنشا, "قازاقتەلەكوم" اق-تىڭ ماجوريتارلىق اكتسيونەرٸ "سامۇرىق-قازىنا" ۇەق" اق بولىپ تابىلادى (جاي اكتسييالاردىڭ 80,85%-ى نەمەسە بارلىق اكتسييالاردىڭ 71,32%-ى). Telecom Systems LTD جەكەمەنشٸك كومپانيياسىنا 9,19% جاي اكتسييالار نەمەسە بارلىق اكتسييالاردىڭ 8,1%-ى تيەسٸلٸ. 2025 جىلعى 1 سەۋٸردەگٸ جاعداي بويىنشا, "قازاقتەلەكوم" اق-تىڭ 10,7 ملن قاراپايىم جەنە 298 785 ارتىقشىلىققا يە اكتسييالارى اينالىمدا جٷر.
بۇعان دەيٸن سايتىمىزدا 2025 جىلدىڭ ٸ-توقسانىندا قازاقستانداعى ناقتى ايلىق جالاقى كٶلەمٸ ٶتكەن جىلدىڭ وسى كەزەڭٸمەن سالىستىرعاندا 1,2%-عا ٶسكەنٸن, جالاقى ٶسٸمٸنٸڭ نەگٸزگٸ درايۆەرٸ – تەلەكوممۋنيكاتسييا سالاسى ەكەنٸن جازعانبىز.
