2025 جىلدىڭ قورىتىندىسى بويىنشا قازاقستاننىڭ جان باسىنا شاققانداعى جالپى ٸشكٸ ٶنٸمٸ (جٸٶ) 15 مىڭ اقش دوللارىن قۇرادى. بۇل تۋرالى 2025 جىلعى جٸٶ-نٸڭ ناقتىلانعان دەرەكتەرٸندە ايتىلدى, دەپ حابارلايدى dalanews.kz.
رەسمي مەلٸمەتكە سەيكەس, 2025 جىلى ەلدە ٶندٸرٸلگەن جالپى ٸشكٸ ٶنٸم كٶلەمٸ 159 ترلن 608,6 ملرد تەڭگەگە جەتكەن. بۇل 2024 جىلمەن سالىستىرعاندا ناقتى مەندە 6,5 پايىز جوعارى.
ال ۇلتتىق بانكتٸڭ ورتاشا جىلدىق دوللار باعامى بويىنشا ەسەپتەگەندە, قازاقستان ەكونوميكاسىنىڭ كٶلەمٸ 306 ملرد اقش دوللارىن قۇرادى.
بىلتىر مۇناي-گاز سەكتورىنىڭ جالپى قوسىلعان قۇنى 24,1 ترلن تەڭگەنٸ نەمەسە ەلدٸڭ جالپى ٸشكٸ ٶنٸمٸنٸڭ 15,1%-ىن قۇراعان. ال جالپى شيكٸزات سەكتورىنداعى قوسىلعان قۇن 24,8 ترلن تەڭگەگە جەتٸپ, جٸٶ قۇرىلىمىنداعى ٷلەسٸ 15,5% بولدى.
سونىمەن قاتار 2025 جىلدىڭ قورىتىندىسى بويىنشا قازاقستانداعى باقىلانبايتىن ەكونوميكانىڭ ٷلەسٸ 15,69 پايىز دەڭگەيٸندە قالىپتاستى.
