2025 jyldyń qorytyndysy boiynsha Qazaqstannyń jan basyna shaqqandaǵy jalpy ishki ónimi (JIÓ) 15 myń AQSh dollaryn qurady. Bul týraly 2025 jylǵy JIÓ-niń naqtylanǵan derekterinde aityldy, dep habarlaidy dalanews.kz.
Resmi málimetke sáikes, 2025 jyly elde óndirilgen jalpy ishki ónim kólemi 159 trln 608,6 mlrd teńgege jetken. Bul 2024 jylmen salystyrǵanda naqty mánde 6,5 paiyz joǵary.
Al Ulttyq banktiń ortasha jyldyq dollar baǵamy boiynsha eseptegende, Qazaqstan ekonomikasynyń kólemi 306 mlrd AQSh dollaryn qurady.
Byltyr munai-gaz sektorynyń jalpy qosylǵan quny 24,1 trln teńgeni nemese eldiń jalpy ishki óniminiń 15,1%-yn quraǵan. Al jalpy shikizat sektoryndaǵy qosylǵan qun 24,8 trln teńgege jetip, JIÓ qurylymyndaǵy úlesi 15,5% boldy.
Sonymen qatar 2025 jyldyń qorytyndysy boiynsha Qazaqstandaǵy baqylanbaityn ekonomikanyń úlesi 15,69 paiyz deńgeiinde qalyptasty.
