بۇل تۋرالى ەۋرووداق-ورتالىق ازيا كولىك ينۆەستفورۋمىندا ەلىمىزدىڭ كولىك ءمينيسترى مارات قارابايەۆ مالىمدەدى، دەپ حابارلايدى Dalanews.kz.
ۆەدومستۆونىڭ باسپا ءسوز قىزمەتىنىڭ مالىمەتىنشە، مينيستر ءبىرقاتار وتاندىق اۋەجايدىڭ ينۆەستورلار قولىنا بەرىلەتىنىن حابارلاعان.
"ازاماتتىق اۆياسيا سالاسىن دامىتۋ جانە كونتينەنتتىك ترانزيتتىك حاب قۇرۋ ءۇشىن ينۆەستورلارعا وتاندىق 22 اۋەجايدى باسقارۋعا بەرۋ جوسپارلانعان"، - دەدى مينيستر.
سونىمەن قاتار مارات قارابايەۆ بريۋسسەل قالاسىندا بەلگيا پرەمەر-مينيسترىنىڭ ورىنباسارى جورج گيلكينەمەن كەزدەسىپ، ەۋروپا مەن قازاقستان اراسىنداعى كولىك دالىزدەرىن كەڭەيتۋ ماسەلەسىن تالقىلادى. وسىلايشا ەكى ەلدىڭ كولىك سالاسىنداعى ۇزاق مەرزىمدى ءوزارا ءتيىمدى ىنتىماقتاستىعىن دامىتۋ جانە نىعايتۋ ماسەلەلەرى قارالدى.
