جىل باسىنان بەرٸ قارجىلىق مونيتورينگ اگەنتتٸگٸ جانار-جاعارماي ماتەريالدارىن قازاقستاننان زاڭسىز شىعارۋدىڭ 712 ەرەكەتٸنٸڭ جولىن كەستٸ, دەپ حابارلايدى dalanews.kz.
قما مەلٸمەتٸنشە, ٸشكٸ ٸستەر مينيسترلٸگٸ مەن ۇقك شەكارا قىزمەتٸمەن بٸرلەسكەن جۇمىستاردىڭ نەتيجەسٸندە مۇناي ٶنٸمدەرٸنٸڭ زاڭسىز اينالىمى مەن كونترابانداسىنا قاتىستى 8 سوتقا دەيٸنگٸ تەرگەپ-تەكسەرۋ باستالعان.
ماڭعىستاۋ وبلىسىندا 2022 جىلدان بەرٸ ەسەپكە الىنباعان 28,5 مىڭ توننادان استام مۇنايدى ٶڭدەگەن زاڭسىز شاعىن مۇناي ٶڭدەۋ زاۋىتى انىقتالدى. تەرگەۋ مەلٸمەتٸنشە, ٶندٸرٸلگەن ٶنٸم مازۋت رەتٸندە رەسٸمدەلٸپ, كەيٸن شەتەلگە شىعارىلعان.
ال تٷركٸستان وبلىسىندا مەملەكەتتٸك شەكارا استىنان قازىلعان ارنايى توننەل ارقىلى ٶزبەكستانعا بەنزين ٶتكٸزۋمەن اينالىسقان ترانسۇلتتىق قىلمىستىق توپتىڭ قىزمەتٸ توقتاتىلدى. بۇل ٸس بويىنشا كٸنەلٸلەر ۇزاق مەرزٸمگە باس بوستاندىعىنان ايىرىلعان.
سونىمەن قاتار قىرعىزستانعا اي-92 ماركالى بەنزيندٸ زاڭسىز تاسىمالداعان قىلمىستىق توپقا قاتىستى تەرگەۋ اياقتالدى. زاڭسىز شىعارىلعان جانارماي كٶلەمٸ 190 مىڭ توننادان اسىپ, ونىڭ جالپى قۇنى 37 ميلليارد تەڭگەدەن جوعارى بولعان.
سوڭعى زاڭسىز تاسىمالداۋ ەرەكەتتەرٸنٸڭ بٸرٸندە «تٷركسٸب» ستانتسيياسىندا شامامەن 500 توننا بەنزين تيەلگەن سەگٸز تەمٸرجول تسيستەرناسى ۇستالدى. قۇنى 138 ميلليون تەڭگە بولاتىن جانارماي مەملەكەت كٸرٸسٸنە تەركٸلەندٸ.
قارجىلىق مونيتورينگ اگەنتتٸگٸ ەلدٸڭ ەكونوميكالىق قاۋٸپسٸزدٸگٸن قامتاماسىز ەتۋ جەنە ٸشكٸ نارىقتا جانار-جاعارماي تاپشىلىعىنا جول بەرمەۋ ماقساتىندا مۇناي ٶنٸمدەرٸنٸڭ زاڭسىز اينالىمىنا قارسى جۇمىستار جالعاساتىنىن مەلٸمدەدٸ.
