قازاقستانعا «جابايى جىلقىلاردى قايتارۋ – 2026» باعدارلاماسى اياسىندا پرجەۆالسكيي جىلقىسىنىڭ تٶرت ايعىرى جەتكٸزٸلدٸ. بۇل تۋرالى پراگا حايۋاناتتار باعىنىڭ باسپاسٶز قىزمەتٸ مەلٸمدەدٸ, دەپ حابارلايدى dalanews.kz.
حابارلامادا جانۋارلاردىڭ 15 ساعاتقا سوزىلعان ەۋە ساپارى مەن ەكٸ مەرتە اۋىسىپ مٸنۋدەن كەيٸن قوستانايعا امان-ەسەن جەتكەنٸ ايتىلعان.
«بٸز قازاقستاندامىز! 15 ساعاتتىق ۇشۋدان جەنە ەكٸ رەت اۋىسىپ مٸنۋدەن كەيٸن قوستانايعا قوندىق. جىلقىلاردىڭ جاعدايى جاقسى, قازٸر ولاردى كرانداردىڭ كٶمەگٸمەن جٷك كٶلٸكتەرٸنە تيەپ جاتىر. ەڭ قاۋٸپتٸ كەزەڭ ارتتا قالدى, بٸراق الدا نەگٸزگٸ سىناق كٷتٸپ تۇر. ٶيتكەنٸ الدىڭعى ەكٸ جىلداعىداي ەمەس, بۇل جولى بٸز قوستانايدان “التىن دالاعا” بارامىز جەنە جول 12 ساعاتقا دەيٸن سوزىلۋى مٷمكٸن», – دەلٸنگەن دٷيسەنبٸ كٷنٸ جارييالانعان حابارلامادا.
باعدارلاما اياسىندا العاش رەت قازاقستانعا تەك ايعىرلاردان قۇرالعان توپ جەتكٸزٸلگەن.
جانۋارلار قوستانايعا CASA ۇشاعىمەن جەتكٸزٸلدٸ. كەيٸن ەۋە كەمەسٸ بەرلينگە قايتا ورالىپ, تاعى تٶرت بيەنٸ الىپ كەلەدٸ.
وسىلايشا, باعدارلامانىڭ قازٸرگٸ كەزەڭٸ اياسىندا قازاقستانعا جالپى سەگٸز پرجەۆالسكيي جىلقىسىن جەتكٸزۋ جوسپارلانىپ وتىر.
