سامارقاندتا ٶتكەن CITES كونۆەنتسيياسى تاراپتارىنىڭ 20-كونفەرەنتسيياسىندا قازاقستانعا كيٸك مٷيٸزٸنٸڭ حالىقارالىق ساۋداسىن قايتا باستاۋعا رەسمي تٷردە رۇقسات بەرٸلدٸ. وسىلايشا ەلٸمٸز كيٸك مٷيٸزٸنە قاتىستى نٶلدٸك ەكسپورتتىق كۆوتانى الىپ تاستادى, دەپ حابارلايدى Dalanews.kz.
قازاقستان دەلەگاتسيياسىن ەكولوگييا جەنە تابيعي رەسۋرستار مينيسترٸ ەرلان نىسانباەۆ باستاپ باردى. دەلەگاتسييا قۇرامىندا ورمان شارۋاشىلىعى جەنە جانۋارلار دٷنيەسٸ كوميتەتٸ, زوولوگييا ينستيتۋتى, «وحوتزووپروم» جەنە بيوالۋانتٷرلٸلٸكتٸ ساقتاۋ ۇيىمدارىنىڭ ٶكٸلدەرٸ بولدى. كيٸك مٷيٸزٸن باقىلاۋ جەنە تسيفرلىق تاڭبالاۋ جٷيەسٸ بويىنشا ساراپتامالىق قولداۋدى «Tabiǵi Orta» جوباسى مەن «قازاقتەلەكوم» قامتاماسىز ەتتٸ.
CITES باس حاتشىسى يۆونن يگۋەرو قازاقستاننىڭ كيٸكتٸ قورعاۋداعى جەتٸستٸكتەرٸن جوعارى باعالادى. ونىڭ ايتۋىنشا, كيٸك پوپۋلياتسيياسى تاريحي مينيمۋم — 21 مىڭ باستان بٷگٸندە 4 ميلليوننان اسىپ وتىر.
«بۇل — ەسەرلٸ نەتيجە. قازاقستاننىڭ تابىسى قاتاڭ باقىلاۋ جاعدايىندا حالىقارالىق ساۋدانى قايتا باستاۋعا مٷمكٸندٸك بەردٸ», - دەدٸ ول.
قازاقستان نٶلدٸك كۆوتادان باس تارتۋ — كيٸكتٸ قورعاۋدان عىلىمي نەگٸزدەلگەن تۇراقتى پايدالانۋعا ٶتۋدٸڭ جاڭا كەزەڭٸ ەكەنٸن اتاپ ٶتتٸ. ەل مٷيٸز ساۋداسىنان تٷسەتٸن كٸرٸستٸ بيوالۋانتٷرلٸلٸكتٸ ساقتاۋ مەن ەكوجٷيەلەردٸ قالپىنا كەلتٸرۋگە باعىتتاۋعا مٸندەتتەلدٸ.
كونفەرەنتسييا اياسىندا قازاقستان دەلەگاتسيياسى 31 ەكٸجاقتى كەزدەسۋ ٶتكٸزٸپ, ازييا, افريكا جەنە اراب ەلدەرٸنٸڭ الاڭدارىندا ۇسىنىستى قولداۋ بويىنشا كەڭ جۇمىستار جٷرگٸزدٸ. داۋىس بەرۋ نەتيجەسٸندە 111 ەل (94%) قازاقستان باستاماسىن قولدادى, 7 ەل قارسى بولدى.
بۇل شەشٸم كيٸك پوپۋلياتسيياسىن تۇراقتى باسقارۋدىڭ كۋنمين–مونرەال بيوەرتٷرلٸلٸك باعدارلاماسىنىڭ مٸندەتتەرٸنە سەيكەس كەلەتٸنٸن دە كٶرسەتتٸ — ەكوجٷيە تۇتاستىعىن ساقتاۋ, توزعان جايىلىمداردى قالپىنا كەلتٸرۋ جەنە جابايى جانۋارلاردى ۇتىمدى پايدالانۋ.
