قازاقستانعا 2025 جىلدىڭ العاشقى جارتىجىلدىعىندا 15,7 ميلليون شەتەل ازاماتى كەلگەن. ونىڭ ٸشٸندە 11,1 ميلليونى ەل اۋماعىندا بٸر تەۋلٸكتەن استام ۋاقىت بولعان, دەپ حابارلايدى dalanews.kz ٷكٸمەتتٸڭ باسپاسٶز قىزمەتٸنە سٸلتەمە جاساپ.
رەسمي مەلٸمەتكە سەيكەس, وسى كەزەڭدە ٸشكٸ تۋريستەر سانى 10 پايىزعا ٶسٸپ, 8,6 ميلليون ادامعا جەتكەن. ال قوناقٷيلەر مەن دەمالىس ورىندارى كٶرسەتكەن قىزمەت كٶلەمٸ 17 پايىزعا ارتىپ, 350 ميلليارد تەڭگەنٸ قۇرادى.
تۋريزم سالاسىنا تارتىلعان ينۆەستيتسييا كٶلەمٸ دە ايتارلىقتاي ٶسٸپ, 32,6 پايىزعا ۇلعايىپ, 1,256 تريلليون تەڭگەگە جەتكەن. ەلٸمٸزگە كەلەتٸن ساياحاتشىلار سانىن ارتتىرۋ ٷشٸن 84 مەملەكەتتٸڭ ازاماتتارىنا ۆيزاسىز كٸرۋ مٷمكٸندٸگٸ بەرٸلگەن. سونداي-اق 102 ەلدٸڭ ازاماتتارى قازاقستاننىڭ ەلەكتروندىق ۆيزاسىن رەسٸمدەي الادى.
قازٸرگٸ تاڭدا قازاقستان 30 ەلمەن حالىقارالىق ەۋە قاتىناسىن جٷزەگە اسىرادى. بارلىعى 145 باعىت بويىنشا اپتاسىنا 812 حالىقارالىق رەيس ورىندالادى.
سونىمەن قاتار كەندٸرلٸ, زايسان جەنە قاتونقاراعايدا جاڭا ەۋەجايلاردىڭ قۇرىلىسى جٷرٸپ جاتىر. ارقالىق ەۋەجايى قايتا جاڭعىرتىلۋدا. بۇدان بٶلەك, الماتى, ٷرجار, شىمكەنت جەنە پاۆلودار ەۋەجايلارىنداعى تەرمينالدار مەن ۇشۋ-قونۋ جولاقتارى جاڭارتىلۋدا.
تۋريستٸك ينفراقۇرىلىمدى دامىتۋ اياسىندا ششۋچە-بۋراباي كۋرورتتىق ايماعىن, «ماڭعىستاۋ» تۋريستٸك ايماعىن جەنە الماتى تاۋ كلاستەرٸن دامىتۋعا ارنالعان كەشەندٸ جوسپارلار ەزٸرلەنگەن.
