Qazaqstanǵa 2025 jyldyń alǵashqy jartyjyldyǵynda 15,7 million shetel azamaty kelgen. Onyń ishinde 11,1 milliony el aýmaǵynda bir táýlikten astam ýaqyt bolǵan, dep habarlaidy dalanews.kz Úkimettiń baspasóz qyzmetine silteme jasap.
Resmi málimetke sáikes, osy kezeńde ishki týrister sany 10 paiyzǵa ósip, 8,6 million adamǵa jetken. Al qonaqúiler men demalys oryndary kórsetken qyzmet kólemi 17 paiyzǵa artyp, 350 milliard teńgeni qurady.
Týrizm salasyna tartylǵan investitsiia kólemi de aitarlyqtai ósip, 32,6 paiyzǵa ulǵaiyp, 1,256 trillion teńgege jetken. Elimizge keletin saiahatshylar sanyn arttyrý úshin 84 memlekettiń azamattaryna vizasyz kirý múmkindigi berilgen. Sondai-aq 102 eldiń azamattary Qazaqstannyń elektrondyq vizasyn rásimdei alady.
Qazirgi tańda Qazaqstan 30 elmen halyqaralyq áýe qatynasyn júzege asyrady. Barlyǵy 145 baǵyt boiynsha aptasyna 812 halyqaralyq reis oryndalady.
Sonymen qatar Kendirli, Zaisan jáne Qatonqaraǵaida jańa áýejailardyń qurylysy júrip jatyr. Arqalyq áýejaiy qaita jańǵyrtylýda. Budan bólek, Almaty, Úrjar, Shymkent jáne Pavlodar áýejailaryndaǵy terminaldar men ushý-qoný jolaqtary jańartylýda.
Týristik infraqurylymdy damytý aiasynda Shýche-Býrabai kýrorttyq aimaǵyn, «Mańǵystaý» týristik aimaǵyn jáne Almaty taý klasterin damytýǵa arnalǵan keshendi josparlar ázirlengen.
