قازاقستاندىقتار زەينەتاقى جيناعىنىڭ بٸر بٶلٸگٸن تۇرعىن ٷي جاعدايىن جاقسارتۋعا جۇمساۋدى جالعاستىرىپ جاتىر. 2026 جىلعى تامىزدا وسى ماقساتقا بەرٸلگەن بٸرجولعى زەينەتاقى تٶلەمدەرٸنٸڭ كٶلەمٸ 27,5 ملرد تەڭگەگە جەتتٸ, دەپ حابارلايدى dalanews.kz.
Data Hub جٷرگٸزگەن زەرتتەۋگە سەيكەس, شٸلدەدە تٶلەنگەن قاراجات كٶلەمٸ 27,1 ملرد تەڭگە بولعان.
بيىل ماۋسىمدا زەينەتاقى جيناعىن الۋعا مٷمكٸندٸك بەرەتٸن جەتكٸلٸكتٸلٸك شەگٸن ەسەپتەۋ تەرتٸبٸ ٶزگەردٸ. سونىڭ سالدارىنان جيناعىنداعى ارتىق اقشاسىن پايدالانا الاتىن ازاماتتار ازايعان.
"جاڭا تالاپتاردان كەيٸن زەينەتاقى جيناعىن پايدالانۋعا مٷمكٸندٸگٸ بار ادامداردىڭ سانى قىسقاردى. الايدا ولاردىڭ شەكتەن اسقان قاراجاتىنىڭ ورتاشا كٶلەمٸ ٶستٸ", – دەپ تٷسٸندٸرگەن بجزق.
سوعان قاراماستان, شٸلدە مەن تامىزدا مىڭداعان ادام زەينەتاقى اقشاسىن العان. شٸلدەدە ونى پايدالانعاندار سانى 8,8 مىڭ ادامعا كٶبەيسە, تامىزدا تاعى 8,8 مىڭ ادام قوسىلعان.
ازاماتتاردىڭ باسىم بٶلٸگٸ بۇل قاراجاتتى باسپانا ساتىپ الۋعا جۇمساعان. شٸلدە مەن تامىزدا تۇرعىن ٷي مەمٸلەسٸ بويىنشا تولىق ەسەپ ايىرىسۋعا جالپى تٶلەمنٸڭ 58 پايىزى باعىتتالعان.
سونىمەن بٸرگە پايدالانىلماعان اقشا بجزق-عا قايتارىلىپ جاتىر. شٸلدەدە قورعا شامامەن 10 ملرد تەڭگە, تامىزدا 4,9 ملرد تەڭگە كەرٸ تٷسكەن. قاراجات ٶتٸنٸش يەسٸ باس تارتقان, قاجەتتٸ قۇجاتتاردى تاپسىرماعان نەمەسە اقشانى بەلگٸلەنگەن ماقساتقا جۇمساماعان جاعدايدا قايتارىلادى.
