2026 جىلعى 7 قىركٷيەكتەن باستاپ بٸرىڭعاي جيناقتاۋشى زەينەتاقى قورىنىڭ (بجزق) سالىمشىلارى مٸندەتتٸ جەنە مٸندەتتٸ كەسٸپتٸك زەينەتاقى جارنالارى ەسەبٸنەن قالىپتاسقان جيناقتارىنىڭ 100%-ىنا دەيٸن جەكە باسقارۋشى كومپانييالارعا سەنٸپ تاپسىرا الادى, دەپ حابارلايدى dalanews.kz.
بۇعان دەيٸن ەرٸكتٸ زەينەتاقى جيناقتارىن تولىق كٶلەمدە باسقارۋعا بەرۋ مٷمكٸندٸگٸ بولعان. ەندٸ بۇل مٷمكٸندٸك مٸندەتتٸ جەنە مٸندەتتٸ كەسٸپتٸك جارنالاردان جينالعان قاراجاتقا دا كەڭەيتٸلدٸ.
جيناقتى بٸرنەشە كومپانييا اراسىندا بٶلۋگە بولادى
سالىمشىلار ٶز قاراجاتىن بٸرنەشە باسقارۋشى كومپانييا مەن تٷرلٸ ينۆەستيتسييالىق پورتفەلدەر اراسىندا بٶلە الادى. ەربٸر باسقارۋشى كومپانييا ٷش تٷرلٸ ينۆەستيتسييالىق پورتفەل ۇسىنا الادى:
- كونسەرۆاتيۆتٸ;
- قالىپتى;
- تەۋەكەلٸ جوعارى.
ولاردىڭ ايىرماشىلىعى ينۆەستيتسييالاۋ قۇرالدارىنا, تەۋەكەل دەڭگەيٸنە جەنە ينۆەستيتسييا مەرزٸمٸنە بايلانىستى بولادى. ناقتى ۇسىنىستار ەر كومپانييانىڭ ينۆەستيتسييالىق ستراتەگيياسىنا قاراي انىقتالادى.
ٶتٸنٸش قالاي بەرٸلەدٸ?
زەينەتاقى جيناقتارىن باسقارۋعا بەرۋ ٷشٸن سالىمشى رۇقسات ەتٸلگەن باسقارۋشى كومپانييالاردىڭ بٸرٸن تاڭداپ, بجزق سايتىنداعى جەكە كابينەت ارقىلى ەلەكتروندىق تسيفرلىق قولتاڭبامەن (ەتسق) ٶتٸنٸش بەرە الادى. سونداي-اق جەكە باسىن كۋەلاندىراتىن قۇجاتپەن قور بٶلٸمشەسٸنە جٷگٸنۋگە مٷمكٸندٸك بار. قاراجاتتى اۋدارۋ رەسٸمٸ 30 كٷنتٸزبەلٸك كٷنگە دەيٸن سوزىلۋى مٷمكٸن. ٶتٸنٸشتٸڭ ورىندالۋ مەرتەبەسٸن بجزق سايتى مەن موبيلدٸ قوسىمشاسى ارقىلى باقىلاۋعا بولادى.
باسقارۋشى كومپانييانى اۋىستىرۋ نەمەسە جيناقتاردى قايتادان ۇلتتىق بانكتٸڭ باسقارۋىنا قايتارۋ تەك قاراجات بەرٸلگەن كٷننەن باستاپ بٸر جىلدان كەيٸن عانا مٷمكٸن بولادى. بۇل رەتتە قاراجات بجزق-داعى جەكە زەينەتاقى شوتىندا ەسەپتەلۋٸن جالعاستىرادى.
باسقارۋشى كومپانييالاردىڭ تابىسى قانداي?
2025 جىلدىڭ قورىتىندىسى بويىنشا ۇلتتىق بانكتٸڭ باسقارۋىنداعى زەينەتاقى اكتيۆتەرٸنٸڭ تابىستىلىعى 7,43 پايىزدى قۇرادى.
جەكەمەنشٸك باسقارۋشى كومپانييالاردىڭ كٶرسەتكٸشتەرٸ مىناداي بولدى:
- «سەنتراس سەكيۋريتيز» – 14,66%;
- Alatau City Invest – 11,22%;
- BCC Invest – 9,93%;
- Halyk Global Markets – 9,45%;
- Halyk Finance – 8,32%.
سوعان قاراماستان, جەكە باسقارۋشى كومپانييالاردىڭ زەينەتاقى نارىعىنداعى ٷلەسٸ ەزٸرگە تٶمەن دەڭگەيدە قالىپ وتىر. 2026 جىلعى 1 ماۋسىمداعى جاعداي بويىنشا ولاردىڭ باسقارۋىنداعى اكتيۆتەر كٶلەمٸ 109,98 ملرد تەڭگەنٸ قۇراعان. ال قازاقستانداعى بارلىق زەينەتاقى اكتيۆتەرٸنٸڭ جالپى كٶلەمٸ 27,63 ترلن تەڭگەگە جەتكەن. بۇل جالپى كٶلەمنٸڭ شامامەن 0,4 پايىزىنا تەڭ.
