قازاقستاندىقتار ەڭ كٶپ ساتىپ العان كٶلٸكتەر بەلگٸلٸ بولدى

قازاقستاننىڭ اۆتوموبيل نارىعىندا قىتايلىق برەندتەردٸڭ ٷلەسٸ ارتىپ كەلەدٸ, دەپ حابارلايدى dalanews.kz.

Kolesa.kz مەلٸمەتٸنشە, 2026 جىلدىڭ قاڭتار–شٸلدە ايلارىندا ەلدە 121,2 مىڭ جاڭا جەڭٸل جەنە كوممەرتسييالىق كٶلٸك ساتىلعان. ەڭ كٶپ سۇرانىسقا يە 20 مودەلدٸڭ جارتىسىنان استامىن قىتايدا شىعارىلاتىن اۆتوموبيلدەر قۇرادى. 

جەكەلەگەن مودەلدەر اراسىندا Chevrolet Cobalt كٶش باستاپ تۇر. جىل باسىنان بەرٸ قازاقستاندىقتار وسى مودەلدٸڭ 19 052 داناسىن ساتىپ العان. ونىڭ ساتىلىمى ەكٸنشٸ ورىنداعى Hyundai Tucson كٶرسەتكٸشٸنەن ەكٸ ەسەگە جۋىق جوعارى. اتالعان كروسسوۆەر 10 452 دانامەن ٶتكەن.

ٷشٸنشٸ ورىنعا 6020 كٶلٸك ساتىلعان Kia Sportage جايعاستى. ال العاشقى بەستٸكتٸ Changan CS55 Plus پەن Hyundai Mufasa تٷيٸندەدٸ. ولاردىڭ ساتىلىمى تيٸسٸنشە 4687 جەنە 3872 اۆتوموبيلدٸ قۇرادى.

برەندتەر رەيتينگٸندە Hyundai ەزٸرگە بٸرٸنشٸ ورىندا. جەتٸ ايدا كومپانييا 20 648 كٶلٸك ٶتكٸزگەن. Chevrolet ودان نەبەرٸ 241 اۆتوموبيلگە قالىپ, 20 407 دانامەن ەكٸنشٸ ساتىعا ورنالاسقان. ٷشٸنشٸ ورىندا 14 823 كٶلٸك ساتقان Kia تۇر.

نارىقتاعى قىتايلىق ماركالاردىڭ كٶرسەتكٸشٸ دە ايتارلىقتاي ٶسكەن. Changan 11 927, Chery 9686, Haval 7590, Jetour 6903, JAC 5739, ال Geely 3794 اۆتوموبيل ساتقان. Toyota-نىڭ جەتٸ ايداعى نەتيجەسٸ 4961 كٶلٸكتٸ قۇرادى.