قازاقستان مەن تٷركييا اۆتوكٶلٸكپەن حالىقارالىق جٷك تاسىمالداۋدى جەڭٸلدەتٸپ, قازاقستاندىق تاسىمالداۋشىلارعا تٷركييانىڭ تەڭٸز پورتتارىنان جٷك تيەپ, ونى قازاقستانعا جەتكٸزۋگە مٷمكٸندٸك بەرەتٸن كەلٸسٸمگە كەلدٸ, دەپ حابارلايدى dalanews.kz.
بۇل تۋرالى انتاليادا ٶتكەن قازاقستان-تٷركييا ارالاس اۆتوموبيل كٶلٸگٸ جٶنٸندەگٸ كوميسسييا وتىرىسىنىڭ قورىتىندىسىندا بەلگٸلٸ بولدى.
تاراپتار ەلەكتروندى رۇقساتتاردى بەرۋدە ساندىق شەكتەۋ بولمايتىنىن كەلٸستٸ. بۇل تاسىمالداۋشىلارعا قاجەتتٸلٸگٸنە قاراي باعىتتاردى يكەمدٸ جوسپارلاپ, جٷك تاسىمالىن جەدەل ۇيىمداستىرۋعا مٷمكٸندٸك بەرەدٸ.
ماڭىزدى كەلٸسٸمدەردٸڭ بٸرٸ – قازاقستاندىق اۆتوتاسىمالداۋشىلاردىڭ تٷركييا تەڭٸز پورتتارىنان جٷك تيەپ, ونى قازاقستانعا جەتكٸزۋٸنە مٷمكٸندٸك بەرٸلۋٸ.
تاراپتار 2026 جىلدان باستاپ مۇنداي ترانزيتتٸك جٷكتەردٸ تاسىمالداۋعا جىل سايىن بٸر-بٸرٸنە 3 مىڭنان رۇقسات بەرۋگە كەلٸستٸ.
كٶلٸك مينيسترلٸگٸ بۇل شەشٸم قازاقستان مەن تٷركييا اراسىنداعى ساۋدا-ەكونوميكالىق بايلانىستاردى جەنە كٶلٸك-لوگيستيكالىق ىنتىماقتاستىقتى دامىتۋعا مٷمكٸندٸك بەرەتٸنٸن اتاپ ٶتتٸ.
بۇعان دەيٸن قازاقستان مەن تٷركييا ترانزيتتٸك تاسىمالدارعا قاتىستى رۇقسات جٷيەسٸن جويۋ جەنە ەركٸن ترانزيتكە كٶشۋ جٶنٸندە دە ۋاعدالاسقان بولاتىن. قازاقستاندىق تاسىمالداۋشىلارعا تٷركييانىڭ تەڭٸز پورتتارىندا جٷك تيەۋ جەنە تٷسٸرۋ مٷمكٸندٸگٸ قاراستىرىلعان.
بۇل كەلٸسٸم ترانسكاسپيي حالىقارالىق كٶلٸك باعىتى مەن قازاقستان-تٷركييا اراسىنداعى جٷك تاسىمالىن دامىتۋ تۇرعىسىنان دا ماڭىزدى. 2025 جىلى قازاقستان مەن تٷركييا اراسىنداعى تەمٸرجول ارقىلى جٷك تاسىمالى 6,4 ملن تونناعا جەتٸپ, بٸر جىلدا 35%-عا ٶسكەن.
