رەسەي ۆاليۋتاسى ايتارلىقتاي نىعايىپ جاتقانىنا قاراماستان، قازاقستاندا رۋبلگە دەگەن سۇرانىس كۇرت تومەندەگەن. رۋبل تازا ساتىلىمىنىڭ تەرىس ماندەگى ۇلەسى الماتى مەن استانا قالالارىنا تيەسىلى، دەپ حابارلايدى Dalanews.kz.
"رەسەي ءرۋبلىنىڭ تازا ساتىلىمىنىڭ تەرىس كولەمى (ياعني اقشا ايىرباس ورىندارىندا ءرۋبلدى ساتىپ العاننان گورى وتكىزۋ جاعدايى كوپ) التىنشى اي قاتارىنان تىركەلۋدە.ماسەلەن، ەگەر 2024 جىلعى جەلتوقساندا تازا ساتىلىم كولەمى مينۋس 4،4 ملرد تەڭگەنى قۇراسا، اعىمداعى جىلدىڭ قاڭتارىندا بۇل كورسەتكىش مينۋس 9،5 ملرد تەڭگەگە جەتكەن، ال ءساۋىر مەن مامىردا مينۋس 30،8 ملرد جانە مينۋس 35،7 ملرد تەڭگەنى قۇرادى"، دەپ جازادى Finprom.kz.
2025 جىلى اقشا ايىرباس ورىندارىندا ءرۋبلدىڭ تازا ساتىلىمىنداعى تەرىس ءمان العاشقى بەس اي بويىندا تىركەلدى. جالپى، 2025 جىلدىڭ قاڭتار-مامىر ايلارىندا رەسەيلىك رۋبل ساۋداسىنىڭ تەرىس ءمانى 107،4 ملرد تەڭگەنى قۇرادى. بۇل - 2024 جانە 2023 جىلدارداعى ۇقساس كەزەڭدەرگە قاراعاندا ەداۋىر كوپ (- 5،4 ملرد تەڭگە جانە -9 ملرد تەڭگە) كولەم. سالىستىرمالى تۇردە الساق، 2022 جىلدىڭ قاڭتار–مامىر ايلارىندا تازا ساتىلىم كولەمى وڭ مانگە يە بولىپ، 241،3 ملرد تەڭگەگە جەتكەن.
سونىمەن قاتار، وڭىرلىك بولىنىستە اعىمداعى جىلدىڭ قاڭتار-مامىر ايلارىندا رەسەي ءرۋبلى بويىنشا اقشا ايىرباس ورىندارىنىڭ ساۋدا-ساتتىعىندا ەلىمىزدىڭ 20 ءوڭىرىنىڭ 14-ىندە وڭ ءمان تىركەلدى. ەڭ ۇلكەن كورسەتكىش - قاراعاندى جانە شىعىس قازاقستان وبلىستارىندا: ءار وڭىردە 2،3 ملرد تەڭگەدەن. ودان كەيىن اقمولا (1،2 ملرد تەڭگە)، سولتۇستىك قازاقستان (1 ملرد تەڭگە) جانە ماڭعىستاۋ (1 ملرد تەڭگە) وبلىستارى تۇر. ال قازاقستاننىڭ التى وڭىرىندە تەرىس ماندەر تىركەلگەنىن اتاي كەتەلىك:
- شىمكەنتتە: -40،8 ملن تەڭگەدەن
- استانادا: -102،4 ملرد تەڭگەگە دەيىن.
- الماتىدا: -15،5 ملرد تەڭگە.
"رەسەيدىڭ 1 ءرۋبلىنىڭ رەسمي ايىرباس باعامى اعىمداعى جىلدىڭ ماۋسىم ايىندا ورتاشا ەسەپپەن 6،54 تەڭگەنى قۇرادى، بۇل - 2023 جىلدىڭ قاڭتارىنان بەرگى ەڭ جوعارى كورسەتكىش (6،68 تەڭگە). مامىر ايىمەن سالىستىرعاندا رۋبل باعامى 3%- عا، ال وتكەن جىلدىڭ ماۋسىمىمەن سالىستىرعاندا بىردەن 26،3%-عا ءوستى. وسىلايشا، باعامنىڭ ءوسۋى كەزىندە ءرۋبلدى وتكىزۋ كولەمىنىڭ ۇزدىكسىز ءوسۋى، باسقالارمەن قاتار قازاقستاندىقتار تاراپىنان دا قىمبات رۋبلگە دەگەن قىزىعۋشىلىقتىڭ جوعالعانىن كورسەتۋى مۇمكىن. 2025 جىلدىڭ شىلدە ايىنىڭ باسىندا 1 رۋبل باعامى 6،62 تەڭگەنى قۇرادى. 3 شىلدەگە قاراي ول تەك 0،3%-عا، 6،6 تەڭگەگە دەيىن تومەندەدى"، - دەيدى ساراپشىلار.
ايتا كەتسەك، 2025 جىلعى 1 ساۋىردەگى جاعداي بويىنشا قازاقستاندا رەسەي كاپيتالىنىڭ قاتىسۋىمەن 18،4 مىڭ زاڭدى تۇلعا جۇمىس ىستەيدى. ولاردىڭ كوبىسى رۋبلمەن جۇمىس ىستەيدى.
