قاتار بٷگٸندە قازاقستاندىق كەسٸبي ماماندار ٷشٸن ەڭ تارتىمدى باعىتتاردىڭ بٸرٸنە اينالىپ وتىر. ەسٸرەسە مۇناي-گاز سالاسىنىڭ ٶكٸلدەرٸ بۇل ەلگە جيٸ قونىس اۋدارۋدا, دەپ حابارلايدى dalanews.kz.
قازٸرگٸ تاڭدا كاتاردا قازاقستاننان بارعان شامامەن 600–700 مامان ەڭبەك ەتەدٸ. الايدا ولاردىڭ كٶپشٸلٸگٸ ٷشٸن دوحا تٷپكٸ ماقسات ەمەس. كەرٸسٸنشە, حالىقارالىق مانساپقا جول اشاتىن ماڭىزدى باسپالداق رەتٸندە قاراستىرىلادى.
مۇنداي قورىتىندىعا Qazaq Expert Club ۇيىمىنىڭ ادامي رەسۋرستاردى باسقارۋ سالاسىنداعى ساراپشىسى ارمان شوقپاروۆ “Qazaq Expats in Qatar” زەرتتەۋٸنٸڭ نەتيجەسٸندە كەلگەن. زەرتتەۋ بارىسىندا قاتارداعى قازاقستاندىقتاردىڭ ەڭبەك جاعدايى, مانساپتىق مٷمكٸندٸكتەرٸ مەن تابىس دەڭگەيٸ سارالانعان.
ساۋالناماعا قاتاردا جۇمىس ٸستەيتٸن 54 قازاقستاندىق قاتىسىپ, قوسىمشا التى اداممەن تەرەڭدەتٸلگەن سۇحبات جٷرگٸزٸلگەن. قاتىسۋشىلاردىڭ 63 پايىزى – ەر ازاماتتار. نەگٸزگٸ بٶلٸگٸ 31 بەن 40 جاس ارالىعىندا. رەسپوندەنتتەردٸڭ جارتىسىنان استامىنىڭ ەڭبەك ٶتٸلٸ 11 جىلدان اسادى. ەربٸر ەكٸنشٸ قاتىسۋشى مۇناي-گاز سالاسىندا, نەگٸزٸنەن ينجەنەرلٸك جەنە ٶندٸرٸستٸك قىزمەتتەردە جۇمىس ٸستەيدٸ.
زەرتتەۋ نەتيجەسٸنە سەيكەس, مامانداردىڭ ەدەۋٸر بٶلٸگٸ جۇمىستى ٶز بەتٸنشە تاپقان. ال كەيبٸرٸ حالىقارالىق رەكرۋتينگ اگەنتتٸكتەرٸ نەمەسە كاتارلىق كومپانييالاردىڭ تٸكەلەي شاقىرۋى ارقىلى قىزمەتكە ورنالاسقان.
ساراپشىنىڭ ايتۋىنشا, تەڭٸز, قاشاعان جەنە قاراشىعاناق سەكٸلدٸ ٸرٸ جوبالاردا تەجٸريبە جيناعان قازاقستاندىق ماماندارعا كاتار كومپانييالارى ەرەكشە قىزىعۋشىلىق تانىتادى.
كٶشۋگە تٷرتكٸ بولاتىن نەگٸزگٸ سەبەپتەردٸڭ قاتارىندا جوعارى جالاقى مەن حالىقارالىق تەجٸريبە جيناۋ مٷمكٸندٸگٸ بار. رەسپوندەنتتەردٸڭ 59 پايىزى باستى ىنتالاندىرۋشى فاكتور رەتٸندە جوعارى ەڭبەكاقىنى اتاسا, 56 پايىزى شەتەلدە جۇمىس ٸستەپ كٶرۋدٸ قالاعانىن ايتقان. سونداي-اق كەسٸبي دامۋ, اۋقىمدى حالىقارالىق جوبالارعا قاتىسۋ جەنە قازاقستانداعى مانساپتىق مٷمكٸندٸكتەردٸڭ شەكتەۋلٸلٸگٸ دە ماڭىزدى سەبەپتەردٸڭ قاتارىندا.
ساۋالناماعا قاتىسقانداردىڭ 94 پايىزى كاتارعا كٶشكەننەن كەيٸن تابىسىنىڭ ارتقانىن مەلٸمدەگەن. ونىڭ ٸشٸندە 74 پايىزىندا جالاقى كەم دەگەندە ەكٸ ەسە ٶسكەن. ال رەسپوندەنتتەردٸڭ 85 پايىزى مۇنداي تابىس دەڭگەيٸنە قازاقستاندا قول جەتكٸزۋ قيىن دەپ ەسەپتەيدٸ.
دەگەنمەن جوعارى جالاقى ەردايىم مانساپتىق ٶسٸمگە كەپٸل بولا بەرمەيدٸ. قاتىسۋشىلاردىڭ تەك 43 پايىزى عانا قىزمەتتٸك جوعارىلاۋ بولعانىن ايتقان. قالعاندارىنىڭ كەسٸبي مەرتەبەسٸ ٶزگەرمەگەن نەمەسە بۇرىنعى دەڭگەيٸندە قالعان.
ارمان شوقپاروۆتىڭ پٸكٸرٸنشە, كاتارداعى جۇمىس بەرۋشٸلەر قىزمەتكەرلەردٸڭ جاڭا داعدىلارىن دامىتۋعا قارجى سالعاننان گٶرٸ, ولاردىڭ بۇرىننان قالىپتاسقان تەجٸريبەسٸ مەن قۇزىرەتٸن جوعارى باعالايدى.
زەرتتەۋ بارىسىندا قازاقستاندىق مامانداردىڭ بولاشاق جوسپارلارى دا نازارعا الىنعان. ساۋالناما نەتيجەسٸ بويىنشا رەسپوندەنتتەردٸڭ تەك 28 پايىزى كەلٸسٸمشارتى اياقتالعان سوڭ قازاقستانعا ورالۋدى جوسپارلايدى. ال 35 پايىزى كاتاردا قالعىسى كەلسە, 37 پايىزى ٷشٸنشٸ ەلگە كٶشۋدٸ قاراستىرىپ جٷر.
قاتىسۋشىلاردىڭ 56 پايىزى كاتارعا وتباسىمەن بٸرگە بارعان. تاعى 30 پايىزى بويداق ەرٸ جاڭا ەلدەرگە قونىس اۋدارۋعا بەيٸم كەلەدٸ. ال وتباسىن قازاقستاندا قالدىرىپ, جالعىز جۇمىس ٸستەپ جٷرگەندەردٸڭ ٷلەسٸ 14 پايىزدى قۇرايدى. ساراپشىنىڭ ايتۋىنشا, دەل وسى توپ ەلگە قايتۋعا كٶبٸرەك نيەتتٸ جەنە كاتارداعى ٶمٸرگە سىني كٶزقاراسپەن قارايدى.
سوعان قاراماستان, قاتىسۋشىلاردىڭ باسىم بٶلٸگٸ كاتارداعى ٶمٸر مەن ەڭبەك جاعدايىن وڭ باعالاعان. رەسپوندەنتتەردٸڭ 80 پايىزى بۇل ەلدٸ ەرٸپتەستەرٸنە جۇمىس ٸستەۋگە ۇسىنۋعا دايىن ەكەنٸن جەتكٸزگەن.
“ەڭ قىزىعى, دوحانى حالىقارالىق مانساپقا شىعاتىن الاڭ رەتٸندە كٶرەتٸندەردٸڭ قاتارىندا تابىسى ەڭ كٶپ ٶسكەن ماماندار بار. ولاردىڭ باسىم بٶلٸگٸ – مۇناي-گاز سالاسىنداعى تەجٸريبەلٸ كادرلار”, – دەيدٸ ارمان شوقپاروۆ.
ساراپشىنىڭ پٸكٸرٸنشە, بۇل ٷردٸس قازاقستاننىڭ ەڭبەك نارىعى ٷشٸن ماڭىزدى سىن-قاتەرگە اينالىپ كەلەدٸ. ٶيتكەنٸ ەل تەجٸريبەلٸ ەرٸ بٸلٸكتٸ ماماندارىنان ايىرىلىپ, ولاردى كەيٸن قايتارا الماي وتىر.
“قازٸر قازاقستاندىق كومپانييالار بٸر-بٸرٸمەن عانا ەمەس, ەلەمدٸك ەڭبەك نارىعىنداعى جۇمىس بەرۋشٸلەرمەن دە بەسەكەلەسۋگە مەجبٷر. ەگەر قازاقستان تەجٸريبەلٸ كادرلاردى ساقتاپ قالعىسى كەلسە, كومپانييالار قىزمەتكەرلەرگە كەسٸبي دامۋ مٷمكٸندٸگٸن ۇسىنىپ, كورپوراتيۆتٸك مەدەنيەتتٸ جەتٸلدٸرٸپ, بەسەكەگە قابٸلەتتٸ ەڭبەك جاعدايىن قالىپتاستىرۋى قاجەت. ەيتپەسە ەڭ بٸلٸكتٸ ماماندار شەتەلدە مانساپ قۇرۋدى جالعاستىرا بەرەدٸ”, – دەدٸ ساراپشى.
